探花 (已結業)

朋友钟意食中菜，之前喺铜锣湾经过间装修几靓嘅地铺，呢日专诚嚟试下！果然有惊喜！✨话梅车厘茄 $58前菜点咗话梅车厘茄，卖相精致，用金边玻璃雪糕杯上菜，面头洒上桂花。车厘茄已去皮，真系心机菜式，再用话梅汁浸左一晚，入口爆汁，味道酸酸甜甜，带有微微嘅桂花清香，好开胃！✨青森苹果叉烧酥 $48外层青色酥皮好sharp，苹果造型可爱，食落松化香脆，内里有清甜嘅苹果蓉，包住蜜味叉烧粒，味道有层次。✨红虾多士 $78多士厚薄适中，炸到金黄脆卜卜，好香口，上面嘅虾肉大大只，肉质结实弹牙，非常鲜味；伴碟嘅酱汁亦系心机之作，用虾头淆制，虾味香浓，更有提升鲜味之用。✨酸辣土豆丝 $88土豆丝炒得火喉刚刚好，土豆丝粗幼均匀，炒得干身，味道酸辣可口，质感又爽又脆，越食越上瘾！✨拔丝咕噜肉 $158咕噜肉无骨啖啖肉，好正！外层脆脆地，酸甜咕噜汁完整包住每粒咕噜肉，一啖一粒！✨红米肠粉 $88肠粉烟烟韧韧，口感软糯，包住内层脆卜卜米网再加爽口弹牙嘅虾肉，口感非常丰富！✨豉油王炒面 $108有时简单嘅菜式更显水准！呢个豉油皇炒面唔单止份量多，大大碟，面质弹牙爽口，仲好有镬气，浓味得嚟绝对唔会过咸！配埋芝麻银芽一齐食