礦工Cafe

营业中

休息中

今日出field 有幸黎到鞍山探索馆嘅矿工cafe，佢呢度只系开星期六日及公众假期，所以更加要把握机会试试！腐乳馒头🥠我见到有腐乳馒头觉得好特别所以就叫左黎试！初头以为成个馒头系用腐乳做，但原来系配上腐乳酱比你。平时馒头应该要沾炼奶，但佢地用腐乳替代炼奶。第一下觉得有少少怪，但食落又好特别，腐乳嘅咸香味碰上馒头本身嘅面粉甜味，都几夹架！但腐乳唔可以一下沾咁多，如果唔系就超咸会好怪！只可慢慢品尝呀。另外都叫左杯热朱古力，奶味唔太重，无盖走朱古力嘅香味，而且朱古力唔会太稀，可谓真材实料呀🍫🍫炸鸡翼🐔🍗另外都叫左炸鸡翼，佢系一只鸡翼分开，容易入口。鸡翼🍖🐔外皮唔会食落成口粉，皮脆肉嫩，仲有少少辣🌶，增加食欲😁😁😁豆腐花最后叫左个甜品，豆花本身咩糖都无落，而佢只有黄糖提供。唔食黄糖嘅话唯有试下🙈。豆腐花好滑够冻，但唔算食到本身豆腐花嘅清甜，要落好多糖先食到😣矿工cafe 系一个唔错嘅地方，店铺都模仿左矿场环境，仲有好多历史介绍！除左食野之外，大家都可以过黎参观鞍山探索馆，了解多d香港嘅矿产历史👷🏽👷🏽‍♂️⛏🔨⚒。