影片
更多
2011-05-25
90 浏览
每逢五月有个大日子…今年我地o既庆祝活动所选择o既主题食物系”水煮鱼”…同学仔介绍下, 首次黎到<川渝会所–四姐川菜>…位处铜锣湾同湾仔之间o既一幢旧式大厦(仲有用紧手动推门果只升降机), 未可算话就脚; 哈! 楼下看更叔叔识”睇相”…一见我地就问系咪食私房菜?!...话上二楼就会见到o架o勒!!果然芝麻开门…”四姐川菜”大大只字就在眼前…轻按门钟, 应门系个年轻女子…望望里头数台已座无虚席…服务员逐引路我地去隔离另一个单位, 原来别有洞天…相信真系入左四姐个”私房”㖞!!哈哈!!...陈旧又杂乱o既住家…两房一厅、厨房、厕所、冷气风扇洗衣机、电视梳化组合柜、雪柜鞋柜储物柜...仲有祖先灵位、神位添!!...厅中间放一桌备齐胶台布同碗筷, 特别招待“包厅”㖞…见哩个格局, 著实丝丝惊讶!!...服务员礼貌解说这夜客多所以有此安排…今晚夜雨蒙蒙…人未齐…坐梳化睇下电视…研究研究点咩菜好先…哩度以人头算, 每位收费$220(不设加一、不包饮料、只收现金)…有汔水啤酒供选择, 亦可自携酒精类饮品(不需开瓶费)…简单一张A4大o既点菜纸, 主要分凉、热菜两大类…而热菜类则细分为
同学仔介绍下, 首次黎到<川渝会所–四姐川菜>…位处铜锣湾同湾仔之间o既一幢旧式大厦(仲有用紧手动推门果只升降机), 未可算话就脚; 哈! 楼下看更叔叔识”睇相”…一见我地就问系咪食私房菜?!...话上二楼就会见到o架o勒!!
果然芝麻开门…”四姐川菜”大大只字就在眼前…轻按门钟, 应门系个年轻女子…望望里头数台已座无虚席…服务员逐引路我地去隔离另一个单位, 原来别有洞天…相信真系入左四姐个”私房”㖞!!哈哈!!...陈旧又杂乱o既住家…两房一厅、厨房、厕所、冷气风扇洗衣机、电视梳化组合柜、雪柜鞋柜储物柜...仲有祖先灵位、神位添!!...厅中间放一桌备齐胶台布同碗筷, 特别招待“包厅”㖞…见哩个格局, 著实丝丝惊讶!!...服务员礼貌解说这夜客多所以有此安排…
今晚夜雨蒙蒙…人未齐…坐梳化睇下电视…研究研究点咩菜好先…
哩度以人头算, 每位收费$220(不设加一、不包饮料、只收现金)…有汔水啤酒供选择, 亦可自携酒精类饮品(不需开瓶费)…
简单一张A4大o既点菜纸, 主要分凉、热菜两大类…而热菜类则细分为干煸类、泡椒类、海产类、家常类及不辣类五种…总共超过数十款菜式架!!...
按人数计, 我地可以选4款凉菜5款热菜…上菜速度快, 几位服务的都礼貌周到…
酸辣茄子…白肉茄瓜淋上似面酱颜色o既酸辣汁, 面头放满青葱花; 茄子肉清, 少酸醒胃亦不算太辣…
四川凉面…好大o既一碟, 雪白凉面洒上大量川椒调味料同青葱花, 一见开眉…面身爽, 调味料惹味香浓, 简单味美, 一致赞赏!!
重庆口水鸡…嘻! 见碟底果层红辣淑油就够流口水但其实吾系好辣o既o者…鸡肉质地够结实, 加埋中芹o既香, 花生o既脆, 可口!!
夫妻肺片…系四款凉菜中麻辣味最浓o既一款, 吾怕食牛内脏的都应试, 辣得有劲, 牛肚牛舌等够爽够嚼口…数最香的系面头o既芫茜呢!
重庆辣子鸡…食亲哩个都好似玩寻宝咁, 要向红椒堆中挑鸡丁!!...哩餐就唯一被这鸡呛得我喉咳不止, 有损仪态!!…俗语云”食不言”…食辣更加不能言!!…至于味道嘛, 每次我都当佢系辣肉干零食, 下酒好菜啊!!嘻…
干煸四季豆…终于向红海之中见到绿洲…但绿洲也非清泉, 豆豆火热到烫咀!!...好味但D肉末好咸o下, 可送几碗白饭呀…
沸腾水煮鱼…当年一众就系向北京尝过<沸腾鱼香>而对水煮鱼倾心难忘…爱过o既人都会知…爱, 有时系会令人麻木不知觉的!!...当我地为爱而流涕, 师傅还在痛处洒盐…著实过份了点…咸左o罗!!...除左鱼片鲜滑, 作为配角o既大豆芽同粉皮o既美味程度都可与主角一争长短架…
泡椒田鸡…用大量西芹辣椒齐炒...但冇泡o既香口, 反而带少少糊咁, 食吾到田鸡o既肉感同鲜味…最失望系哩碟!!
肉末豆丝…唯一不辣之选! 起初以为”豆丝”系指豆腐…原来系用”土豆”!! 即肉末炒薯仔丝…材料简单便宜, 制作易o既一味家常菜, 大人细路都o岩; 向来薯不离手…薯片、薯条、薯饼、薯茸等都喜欢…真系好容易…吾觉意…一人将成碟扫光也可!!...不过, 同样多油架!!
最后赠送蒜炒油麦菜一碟; 自己都属小辣椒, 可辣!…但要受得住四川菜o既味浓味重, 整餐食左成担油同盐到肚, 真系好需要解渴架...!!
会所正厅约10:30pm关门, 哩间私房就10pm打烊!!
张贴
