強記飯店 (已結業)

今晚等朋友收工，话说我地要去行街，行街前都要食野嫁，天气又湿又冻，点都要食番啲令到个胃暖粒粒既食物入肚先得。系北角地铁B1出口斜对面，有间个招牌好红既舖头叫强记，朋友话佢呢边返工，都会近近地系呢间到食，位置够就脚。我地去到一坐下，个姐姐好快就冲埋黎问我地食咩，我就叫咗碗鲜虾云吞（净云吞无面）有好多粒云吞，虽然云吞唔大粒，但都几有咬口，仲有几条菜系碗底到，粒粒云吞都有好多鲜虾仔。朋友就叫咗牛肉面（粗面）好滑又咬口既牛肉，朋友话正。当然唔少得叫野饮啦。一杯热金桔蜜，暖胃好饮。一杯冻奶茶。