汕頭牛肉火鍋

营业中

休息中

父亲节想一家人食饭，但系好多地方都full booking，无意中系openrice揾到呢间火锅店，所以决定试下。虽然食过好多唔同种类嘅边炉，但系潮汕火锅真系第一次试。入到间店，有poster介绍唔同牛部位嘅名称，都有介绍边个部位应该煮几耐，呢点我觉得做得几好嘅。咁食潮汕火锅，当然系以牛为主，问咗店员食边种牛肉比较好，佢推荐吊龙，所以决定试下。的确，个店员无介绍错，吊龙系今次order嘅3种牛肉入面最好味嘅，俾到人嫩同入口即溶嘅感觉。其次系雪花都ok，滑滑地，不过匙仁麻麻，容易老。之后仲order咗牛筋丸、鱼皮饺、虾丸同埋墨鱼滑。墨鱼滑鲜嫩，值得一试。