Pancake Colours Cafe & Bar (已結業)

约左个朋友睇戏, 见未够钟...就上琼华医左肚先...见水牌写住新派西餐厅...就试下啦!我地叫左2个餐,一个咸猪手配酸菜, 一个牛肝菌意大利饭!仲叫左个小食...新彊烧羊架!餐汤系罗宋汤, 足料又够热辣辣!!正!饮完汤, 小食就黎喇!一摆低, 就闻到好香孜然粉味!食落唔算好膻, 几好!!之后就黎左意大利饭, 我地加左$10要埋温泉蛋!个饭既软硬度岩岩好!估唔到呢到做咁好既水准!!值得一赞!不过最好衬热食...因为冻左D饭就会硬左少少!食紧饭既时候, 只猪手就黎喇!平时我一定唔会叫猪手, 因为好麻烦!, 好难切!不过呢度好好, 落ORDER既时候会问你驶唔驶碎上!只猪手D皮脆卜卜!真系超好味!!$119既价钱, 大大只!仲要皮脆肉嫩!!物超所值!!!配埋D酸菜, 就冇咁漏!!不经不觉就消灭晒成只猪手!最后叫饮品啦~见到个Drink menu, 就眼花瞭乱!样样都想饮!!结果俾我揾到亮点!!!+$28就有alcohol cocktails!!!咁抵?!唔饮对唔住自己啦!!!本身谂住饮荔枝味既cocktail, 好可惜冇晒荔枝汁!最后叫左杯"碧咸", 系朱古力味既cocktail!!!好大