大滾友火鍋

营业中

休息中

入元朗国郊游游，打边炉做大滚友。平日的两点几，从门口望入去黑蚊蚊，还担心咁早无人打边炉？入到去原来好华丽，两个人坐卡位也很寛敞。打开餐牌的第一感觉是得意，每款汤底都配搭有趣名称。之后一望价钱，都几离地啊！但系原来6点前离座有68折，咁就抵好多，唔怪得其后陆续有客人入嚟，还可以慢慢食慢慢坐到6点，啱晒和朋友吹水。至于食物质素，可说对得住个价钱。🔅［樱唇半开］特色卜卜蚬锅：上枱视觉效果佳，蚬肉多到好似食唔完，非常新鲜、肥美，还有大量芽菜和唐芹。蚬肉多，逐只食有点攰，我把一些蚬肉与芽菜放碗中，加蒜蓉豉油，成碗食，大满足。这煲用鲜蚬滚嘅汤鲜甜到不得了，又冇油，记得饮碗汤才加汤打边炉。🔅酒香陈年花雕浸牛肉和🔅骰子牛肉粒：两种牛肉都足牛肉味和有口感。花雕浸牛肉的肥膏部份入口融化，食完回甘有花雕酒味，而且份量多又伴以芽菜；骰子牛切得较碎，相对无咁抵食。🔅大滚友肉丸拼盘：手打墨鱼丸、猪肉丸、鲜虾丸、牛丸等5款共10粒，全都新鲜弹牙，其中鹅肝墨汁墨鱼丸最有特色又好味。🔅大扇贝和🔅皇帝菜：新鲜。🔅自家制炸鱼皮：第一次食到咁新鲜香脆不过咸的炸鱼皮，推介。衬有折可以试下。