蘇山雞飯

营业中

休息中

饭脚最喜欢食海南鸡饭，咁岩去开附近就拜访下好多人推介既苏山鸡饭。睇过Ｄ相好似都几吸引，价钱够平民，餐厅内既环境都算有特色，不过一入到去就觉得有点反差。虽然装修都叫有落过心机，不过卫生情况就如茶餐厅水平，地下有水渍，坐位有毛发，希望餐厅可以改进楼面情况。星洲叻沙掺掺 星马菜必点叻沙，材料丰富，有２只青口，２只虾，豆卜，鸡蛋，鱼片，仲有其他配料。比较特别既系呢到可以食到掺掺，即系「两沟」咁解，有油面同米粉，汤底味道浓郁又唔咸，卖相亦都算唔错。牛油咖央多士极度邪恶既超厚底牛油咖央多系每枱必点咁济，食完真系万分悔意，不过食落又真系几好味，烘底既多士外脆内软，加埋块牛油，口感滑溜，一咬就成旧牛油咇晒出黎，食得非常动感。招牌海南鸡饭反而觉得招牌菜就一般，佢卖相及摆盘都算几吸引，但系食落就麻麻地。首先当日既油饭半生半熟，米饭都未熟晒就赶住上枱，亦都闻唔到椰汁香味。餐厅供应三黄鸡及文昌鸡，鸡较为肥美，鸡皮厚，脂肪多，味道一般，个人口味偏向瘦鸡，食落无咁肥。参巴酱通菜跟餐+$20 有一碗，份量都算多，加埋参巴酱开胃。整体而言，不过不失，价钱亲民，可以一试。