大少燒味茶餐廳

营业中

休息中

经过呢间「大少烧味茶餐厅」好多次，见好多人喺门口等外卖，所以上星期我都去果度买烧味返去加𩠌！喺大埔想食乳猪都比较麻烦，通常都要至少要订半只，但见呢度有例牌，所以试吓！一打开已经好吸引，因为望落无肥膏。一咬落去「索」一声，真系好香脆！盒内装咗2层，其他烧味店通常面果层又靓又脆，压住果层就比唔靓唔脆嘅，但大少嘅真系2层都香脆，下次再想食乳猪会返转头去呢度买。另外，再买咗盒叉烧，属于比较瘦嘅部分，入口都惹味，如果蜜汁再多少少更佳。店员介绍我食「大少潜艇」，话系类似热狗嘅包，见个名咁得意，叫咗个试吓。返到屋企打开，真系一个热狗嚟，但内里夹嘅唔系肠，而系叉烧！！个包哄过暖暖地几香同烟韧，内里夹住叉烧、芝士同煎蛋，大大件，份量好足，几特别，味道都不错，女士 lunch time 食一个已经够饱。