影片
更多
2017-05-21
185 浏览
之前同事们食咗红磡一间新开茶餐厅嘅早餐，个个都对佢杯奶茶赞不绝口！于是趁星期六晏就去试下，茶餐厅店铺前身系松记糖水，店入面环境好光猛，座位都多同宽落，我谂开咗应该大概有2个月左右。2个人叫咗一个地道常餐同埋香煎鸡扒饭配冻柠茶同热奶茶！侍应用手机帮我哋落单，仲同我地讲多谢，好有礼貌！好快野饮嚟到，已经闻到茶香味，先饮一啖热奶茶果然无令人失望，同事无介绍错！奶茶茶味好浓，而且仲要几够滑，好好饮！（1）地道常餐$35常餐自由配搭，拣咗秘制猪排米粉连炒蛋同牛油多士。米粉上面有猪扒、菜同埋肠仔，猪扒中规中矩，炒蛋滑，牛油多士入面有好多牛油好足料！（2）香煎鸡扒饭$35鸡扒饭一嚟就哗咗一声，觉得好大碟，完全名副其实系饭桶餐！我拣咗洋葱汁、煎熟蛋，无论饭、汁、蛋同鸡扒都好够份量，仲有埋火腿同午餐肉加一杯嘢饮，$35超抵食！鸡扒煎得岩岩好，唔会好老！洋葱汁散布每一个角落，味道有小小甜，下次可以少汁。成餐饭最值得推介除咗个杯奶茶之外，就系佢个自家制辣椒酱！试咗一次就返唔到转头，味道好似陈记鱼蛋个秘制辣汁，唔算好辣但好香！我哋2个人不断咁唧，就咁捞饭食都好好味！到最后差唔多唧咗成半枝！过嚟红磡食嘢可以试吓
2个人叫咗一个地道常餐同埋香煎鸡扒饭配冻柠茶同热奶茶！侍应用手机帮我哋落单，仲同我地讲多谢，好有礼貌！好快野饮嚟到，已经闻到茶香味，先饮一啖热奶茶果然无令人失望，同事无介绍错！奶茶茶味好浓，而且仲要几够滑，好好饮！
（1）地道常餐$35
常餐自由配搭，拣咗秘制猪排米粉连炒蛋同牛油多士。米粉上面有猪扒、菜同埋肠仔，猪扒中规中矩，炒蛋滑，牛油多士入面有好多牛油好足料！
（2）香煎鸡扒饭$35
鸡扒饭一嚟就哗咗一声，觉得好大碟，完全名副其实系饭桶餐！我拣咗洋葱汁、煎熟蛋，无论饭、汁、蛋同鸡扒都好够份量，仲有埋火腿同午餐肉加一杯嘢饮，$35超抵食！鸡扒煎得岩岩好，唔会好老！洋葱汁散布每一个角落，味道有小小甜，下次可以少汁。
成餐饭最值得推介除咗个杯奶茶之外，就系佢个自家制辣椒酱！试咗一次就返唔到转头，味道好似陈记鱼蛋个秘制辣汁，唔算好辣但好香！我哋2个人不断咁唧，就咁捞饭食都好好味！到最后差唔多唧咗成半枝！过嚟红磡食嘢可以试吓呢间，好味又抵食！
奶茶
5 浏览
0 赞好
0 留言
秘制猪扒米粉
8 浏览
0 赞好
0 留言
煎鸡扒洋葱汁饭
21 浏览
0 赞好
0 留言
自家制辣椒酱
5 浏览
0 赞好
0 留言
张贴
