馬來亞春色綠野景緻艷雅

营业中

休息中

我同友人去尼间店时，友人忍唔住笑左，我问佢笑咩，佢话个店名好搞鬼，以前粤语残片既一首歌词，仲唱埋畀我地，我唔同年代，无代入感😂😂。店铺位于条内街，唔难揾，地铁站行过去7-10分钟。一入店无咩客人，可能时间尚早，6点左右，墙上印哂必食推介，就系肉骨茶同喇沙。店不大，店员一个，似乎都系佢入厨房装肉骨茶。我地就叫左肉骨茶、海鲜喇沙油面、泰式米肠同椰皇啫哩。肉骨茶份量刚刚好，配碗油饭好好食，汤底浓，肉香好食，尼个肉骨茶好重药材味，唔会好重胡椒味，果然系店铺主打，价钱算抵食👍🏼👍🏼海鲜喇汤油面，最正系个油面，出面食通常系喇沙米粉或面线，尼个油面令我谂起福建既油面，睇下餐枱张介绍纸，尼间店系马拉福建人开既，果然😂😂至于个小食泰式米肠，入面系米粉，有点似福建猪肉肠，不过有泰式香料，个皮仲系又脆又薄，好好食。食左3样野已饱了，不过天气热口渴都系要叫番杯野，我地叫左杯柑仔水，似台式夜市饮到既，好清爽几好饮。甜品叫左椰重啫哩，谂住试下，出乎意料好得，个椰皇坚甜，店舖讲明无额外加糖，好好饮，个啫哩滑捋捋配埋香爽椰肉好夹👍🏼👍🏼👍🏼外卖个椰皇啫哩番家都好，夏天够消暑。