金滿堂甜品

营业中

休息中

钻石山晚膳后揾甜品食，朋友推介必试呢间，话公司下午茶多数叫呢间，就去试下先。我自己点咗龙眼沙冰， 呢个系seasonal甜品，唔系时时有， 咁啱有就点嚟试下。 味道清甜，好香龙眼味道， 不过天气冻食真系越食越冻， 我谂呢个甜品比较适合夏天。至于宇治金时， 我都试咗几啖， 香浓嘅绿茶雪糕， 加上日本红豆、 丸子等等， 系好有日本甜品feel， 而且亦都唔会畀大型日本餐厅做得差， 唯独价钱我觉得价钱定平少少就更好。最冇惊喜嘅就反而系心太软， 我觉得个朱古力蛋糕质地差咗啲啲， 感觉唔到外脆内软， 另外加配衬多球乳酪味雪糕， 乳酪味雪糕比心太软还出色。