食嘢 (已結業)

星期六阳光普照，大埔周围行下食个轻松下午茶，我记得好耐之前食歌食嘢嘅咖喱，正宗印度人风味，而家虽然未必见到印度师傅，但听讲质素仍然好。地方寛松坐得几舒服。友人叫咗个 招牌咖喱杂扒饭 $68浓烈嘅咖喱香味，多汁捞饭最好食。杂扒影真丰富，牛扒、鸡扒、火腿、肠仔；经典怀旧的味道。招牌咖喱汁更加系香辣并存，惹味得来够刺激。现我选择的 红酱鲔鱼焗意粉 $42，抵食又特别，分量十足。加$28 符碌茶，好得意嘅名字，原来即系 fruit tea。味道清新又唔会太甜，冰凉解渴。瑞士鸡翼配秘制酱汁出前一丁 $38，鸡翼肥美多汁，秘制酱汁好 sweet。特色小食更加唔可以错过 食嘢拼盘 $68。可以话系招牌 signature 的，最钟意嘅都系鸡翼同埋鱼柳，酥饼点咖喱汁就最好味啦！蘑菇芝士酿鸡翼拼薯条 $38，鸡翼里面酿咗蘑菇同埋半溶嘅芝士，美味多汁，滋味无穷。