金子半之助 (利東街)

营业中

休息中

同好姊妹到囍帖街影圣诞灯饰, 顺路去咗其中一间主打天妇罗嘅「金子半之助」食dinner。餐厅面积小, 不过地方企理干净。【半之助沙律】HK$48爽口大虾炸皮薄而脆, 配上了新鲜沙律菜、清甜多汁车厘茄, 加上酸汁, 酸甜清新又开胃。【海老天押寿司】HK$88寿司饭中加入了酸子姜同埋紫酥叶碎, 适量嘅酱汁, 面层放有天妇罗虾粒, 口感、味道层次丰富又好味。【江户前天丼】HK$138 （+$38 海老升级车海老）呢个丼嘅食材好丰富, 堆砌得好有份量, 每件天妇罗炸物炸皮轻型透薄, 炸得金黄, 香脆不油, 包括有星鳗长的横夸碗面、又爽又滑嘅小柱鱿鱼天妇罗饼、海苔、荚豌豆, 其中天妇罗温泉蛋一笃即涌出丰富蛋汁, 捞饭食一流! 而加钱将海老升级咗嘅车海老, 一共两只, 车海老口感超爽弹有鲜虾味, 正!! 饭量不多, 近乎碟盛, 不过套餐仲配有前菜同埋味噌汤, 一个人份量都够饱。