荳子 (朗豪坊)

营业中

休息中

呢间餐厅有好多分店，我都去过好几间，而呢一间系我第二次嚟。上次我觉得啲嘢唔系好好食，今次又唔同咗㖞！🔸椰香罗勒炸黄油鸡 （半只切件）好少嗌炸嘢，但系呢个真系要试吓。黄油鸡炸得香脆可口，仲有少少油分。肉质嫩滑。🔸手撕猪仔骨汉堡我喺第二间店食过好多次，最初觉得好好食，后期越做越差，啲手撕猪仔肉口感冰冻，而且有膻味，而佢入边有紫洋葱，食完个口好大味。今次要求唔要紫洋葱，厨师换成白洋葱，真系劲好食呀！面包微脆有牛油香，太阳蛋煎到蛋汁流出，手撕猪仔肉冇死甜，与白洋葱混埋，味道自然。同老公一人半个都觉得唔够喉。薯条唔脆口，似过咗气。😫热柠檬蜂蜜系苦，入唔到口。👍🏻特别称赞带位个位店员，肯帮手又有少少幽默，身型较大只，个名系H字头，前排朗豪坊有‘Harry’ Potter㖞😂。