極尚大瀛喜日本料理

营业中

休息中

寻日终于约到个frd嚟到极尚大瀛喜啦😋😋，中学之后真系愈嚟愈难约。入到去坐都未坐暖已即刻扫Code 落咗盘刺身，我嚟个刺身狂魔，对住呢盘咁靓嘅刺身真系流晒口水💦🤤我重点大推甜虾，唔好睇佢细细只，食落去真系超甜，另外就系带子，大大粒好厚肉，最后就系必食嘅三文鱼，重要咁岩抽中腩位 超幸福，仲有个泰式虎虾，超开胃，不过饿到唔记得打卡。食完涷野就到热食，铁板鹅肝，无得输，超大旧之余仲要几乎入口即溶😱，最后食咗3旧先收手。之后就系炸物🤩🤩炸鲜奶超浓味，仲有芝士年糕好烟靭，不过真系记得睇热，因为系流心嘅！！烧生蚝🦪🦪都系大大只，配埋啲酱汁好惹味同埋行出去饮品柜附近见到有个新出嘅枝竹羊腩煲，即刻试试佢，啲羊腩超淋，而且仲要索晒啲汁！！！最后当然就系甜品时间🧁🧁，任食Häagen-Dazs唔洗多讲，最特别系有个杨枝甘露小丸子，真系同出面嘅糖水舖有得挥！食到饱晒，埋单大约每人300蚊到，算CP值几高。