極尚大瀛喜日本料理

营业中

休息中

大瀛喜真係好多野食，好多野都想食，但係又驚食唔曬，最後我地叫左呢d野:- 刺身 （三文魚、 海赤蝦、北海道帶子、拖羅、池魚王、油甘魚、章紅魚、金磚慢煮紅酒鵝肝）- 壽司 （三文魚腩、油甘魚腩、花之戀）- 手卷 （蟹籽、海膽)- 熟食 （海膽蟹粉鮮甜蟹肉粥、金湯蟹黃花膠金勾翅、避風塘炒魷魚、壽喜燒牛肉鍋、一品蟹肉扒西蘭花）- 甜品 （D24榴槤蓉、蜜瓜雪糕、芒果小丸子椰皇布甸）刺身今次較為特別既有感覺鵝肝都係比較軟身，但今次食呢個紅酒鵝肝係好似朱古力咁，硬硬地，但食落味道唔錯，係比較新鮮嘅食法，如果大家唔怕新奇嘢，可以一戰感覺鵝肝🤣今次手卷食咗蟹籽同海膽手卷，海膽鮮甜，可以食多幾個👍熟食方面，由於大股東好鍾意食蟹，所以我哋嗌咗海膽蟹粉鮮甜蟹肉粥，完全唔腥，重有好多料食，唔怕飽肚嘅話一定要試🥰之後食埋壽喜燒牛肉鍋，壽喜燒湯夠晒甜，超正😝最重要一定要試嘅係金湯蟹黃花膠金勾翅，真係同酒樓食嘅一樣咁滯，個湯超甜，花膠又大隻，補身一流😊最後嚟到甜品，見到我最愛嘅D24榴槤蓉，梗係唔好錯過啦，今次見到有蜜瓜雪糕，兩樣超級甜野加埋，加倍嘅甜🥰我食咗一大杯😂重有食咗芒果小丸子椰皇布甸🤟食完真係飽晒，下餐

榴連fans準備要夾叫放題式食 D24榴連唔一定要去酒店入屋啲嘅選擇都有金枕頭、榴彈炸彈、榴彈雪糕榴連mochi 、榴彈布丁同D24榴彈蓉大家耳熟能詳嘅日式放題都食到特別係滿盤嘅D24榴彈蓉refill速度快完敦嘅D24香甜軟稔怕太重口味可以揀金枕頭甜感低啲冇咁邪惡Lunchtime almost full house 見到大家都係衝住榴連而來席上仲不乏一大班老人家三五知己咁果然識得放縱，其實人人都係foodie 其他typical items 包括刺身壽司卷物串燒同一品鍋全都秒速被比下去不過快冇些新款味道值回票價炭烤人氣燒白鱔一品蟹肉扒西蘭花鐵板厚切牛舌鐵板星級鵝肝多士金湯蟹黃花膠金勾翅壽喜燒牛肉鍋三蔥爆炒珍寶老虎蝦芒果小丸子椰皇布甸吉品鮑汁10頭鮑魚伴天白菇燒白鱔encore 了幾回合厚切牛舌與牛肉鍋正常發揮朋友大讚手鵝肝我火候控制很好內裏仍軟嫩稔身

講到食日式放題，又點可以唔提「極尚大瀛喜」，今日就來到觀塘亞太中心的分店，環境真係相當大，人流更是人山人海，先是食物款式多，而且更不時有新食物推出：炭烤人氣燒白鱔、鐵板厚切牛舌、三蔥爆炒珍寶老虎蝦等…，還有今期大熱的各款榴槤：榴槤蓉、榴槤王、炸榴槤等…真的非常吸引，都係訂定位就最穩陣！進門先見到一系列的沙律、冷盤、炸物、飲品、雪糕…已令我肚子打鼓，再送上QR紙，可自行下單：刺身、壽司、燒物、串燒、天婦羅等…急不及待下了一轉Order…🔸刺身類油甘魚、掃羅、帶子、赤背、象拔蚌件件厚切，新鮮有光澤，魚味濃郁，絕對可以來多幾轉！🔸壽司類香蔥吞拿魚蓉卷、牛肩胛壽司、花之戀、三文魚腩壽司壽司大細適中，絕對做到日一件，真係唔經唔覺都食了不少。🔸海鮮類粉絲扇貝、珍寶鮮蠔燒、凍鮑魚、花膠翅海鮮絕對係必食之選，蒜香味極濃扇貝，惹味微辣燒蠔、爽口彈牙鮑魚、非常足料花膠翅，你話點可以錯過。🔸串燒類羊架、牛舌、燒菠蘿、乳鴿皇串燒真係串串燒至金黃色，外脆香口，內裡嫩身彈牙，燒菠蘿更是香甜多汁，乳鴿豐富肉汁，令人滿意👍🏻！🔸 榴槤類榴槤蓉、榴槤皇、炸榴槤先是榴槤蓉可自行在自助包枱上自行添加，在盛載中已聞到榴槤飄香

話說我媽特別鍾意食放題，因為不但價錢實惠，仲可以一次過滿足我們這些「亞洲胃」。這次我們選擇了位於官塘的極尚大瀛喜，這裡的環境寬敞，午市時段幾乎座無虛席，人氣相當旺。一坐下來，我們立即點了一輪刺身。這裡的長腳蟹質素特別好，鮮甜無比，完全沒有雪味，讓人忍不住想多點幾碟。吃完刺身後，我走到自助區，發現除了凍海鮮、雪糕和各式甜品，還有豉汁蒸鱔和酸菜魚任攞，讓我驚喜的是，這裡的即蒸點心質素也相當不錯，完全可以媲美一些茶樓。接著，我們試了新出品的三蔥爆炒珍寶老虎蝦，醬汁酸甜帶微辣，味道非常驚艷。還有蠔油扣鮑魚飯，金湯炆花膠，以及紅燒乳鴿，這些菜式都讓人食指大動。最後，為了圓滿這次的美食之旅，我們再點了一杯雪糕，實在是超級大滿足。總的來說，這次的放題體驗不僅價錢合理，而且菜品質素高，值得推薦給喜愛美食的朋友們！

仲有唔夠一個月就聖誕，是時候約朋友開始食聖誕飯，今日大家約咗去食放題，因為大家都有一段時間沒有放肆地食。餐店環境光猛，地方非常闊落，有多行卡位和長梳化座，所有卡位都好寬敞，坐得好舒適。自助區和飲品區都集中在中間，夠方便。我地揀咗晚巿放題特價時段，係由5:30pm-7:30pm，成人($268+10%/位)可任飲任食2小時，時間充足。飲品雪櫃超大，有不同牌子的茶、泡茶、汽水、果汁、紙包飲品、自家製食品、清酒和梅酒等，還有熱飲、熱茶、熱咖啡、朱古力等，超多選擇。百香果茶：酸酸甜甜，好開胃；美祿咖啡：少甜甘苦，提神一流。自助區食品冷盤小食有生果、味付螺肉、麻辣雞腎、沙律菜、熟青口、凍熟蝦、中華沙律等；熱食有酸菜魚、豉汁蒸鱔、炸丸子、紫米椰汁糖水、草蟲花雞湯等等。中華沙律、柚子白蘿蔔：爽口入味，好味!豉汁蒸鱔：又滑又肥美，仲好入味；酸菜魚：好味，魚肉滑溜，酸酸辣辣，兩款都要再encore次；點心：蝦餃好足料，大大隻鮮爽蝦仁；燒賣好有鮮肉香，得!QRcode 落單啦! 按類別點了以下食品：刺身赤蝦：大大隻，好鮮甜，微爽黏滑；帶子：柔軟鮮甜；油甘魚：爽口，滿有魚油香；希靈魚：啖啖爽脆，鮮甜美味。火

年尾放假，又同屋企人去食放題輕鬆一下，近近地觀塘就有啦🥢刺身好多choice，刺身切得幾厚身，新鮮👍🏻個人較喜歡象拔蚌、池魚王、油甘魚、帶子🥢極尚磯煮凍鮑魚估唔到幾好食，又稔又入味🥢鐵板鵝肝多士鵝肝肥美，多士勁脆，加埋黑醋好夾好好食，一個人都食咗幾件🫢🥢北海道黃金醬燒扇貝扇貝大粒，醬汁好正似沙律醬，再加啲蟹籽，幾夾幾惹味🥢熟食羊架：煎得好香，好食豉汁蒸鱔：幾大件，味道調得幾好芝麻雞翼：香口好脆💛極品金枕頭榴槤燒原來榴槤都可以烤，質感幾特別，同平時食唔同

今日同屋企人去食，8個人，其中一位屋企成員係一星期內生日，所以可以享用生日優惠，我哋book咗7:30開始，八個人被安排坐咗一張長枱，出入很唔方便，而且坐得好迫，似係六人枱，一開始嘅時候落單，好多都比少咗同埋比漏咗，漏單都幾嚴重，好多嘢都冇嚟到，要再嗌多一次先嚟到，係之後去到尾聲冇咁忙嘅時候先冇漏單，而且三文魚我哋最尾嗰轉先比較好食，第一轉嘅時候三文魚有骨，其他嘢食質素都一般，食咗一陣都冇就已經叫埋單，好似仲有一個鐘頭淨，不過收碟都算收得幾快，價錢308加1，呢個價錢算係咁

又約🐧🐧 buddy 去食餐勁嘅😈 今次㨂咗依間位於觀塘嘅放題店😆 內裡空間感足，裝修美觀又好睇👍 自助區內有多款精選海鮮、熟食、甜品同飲品任君選擇❤️ 真係令人心花怒放🥰 除咗自助區嘅美食，仲可以透過QR code 落單，任點任叫多款食品🥰 刺身、壽司、卷物、手卷應有盡有👍 當中更有超新鮮嘅海膽、池魚等任食唔嬲😚 超級有誠意喲❤️ 熟食方面有串燒、一品料理、天婦羅炸物、鍋品等多款精選料理🤗 最近仲新出咗羊腩煲等應節冬季食品😚 可惜太搶手已售罊🥲 下次一定要叫黎試吓🤣 記得一定要留肚食甜品🥰 有特製嘅楊枝甘露、多款精緻又甜美嘅一口甜點，仲有多款雪糕雪條任你食架😍 裡面仲包括勁高質嘅Haagen Dazs 雪糕😘 真係好抵食性價比勁高🤝 

尋日終於約到朋友去極尚大瀛喜，真係好開心！😄 自從中學之後，大家越來越難約到，能夠聚埋一齊真係唔容易。一入到去，就馬上掃QR Code 點咗刺身！🥢 刺身方面選擇好多，有三文魚、甜蝦、北寄貝同油甘魚，全部都好新鮮。帶子又大又厚，三文魚腩位亦好正，食到開心！😋燒物方面，和牛煙韌又多汁，羊架咬落去肉汁四溢，配埋啲芥末醬，真係好好味！🔥 燒生蠔都好大隻，配埋醬汁味道超惹味。熱食方面，鐵板鵝肝，完全無得輸，超大塊，入口即溶，食完心思思想再食🤤。然後就係炸物，炸鮮奶濃郁到不得了，芝士年糕外脆內軟，記得要趁熱食，因為流心真係好正！🧀最後當然唔少得甜品啦！🍰 甜品區有好多選擇，芝士蛋糕、Tiramisu同雪糕，每樣都試咗小小，好過癮！任食嘅Häagen-Dazs冰淇淋，心滿意足。🍦 仲有楊枝甘露小丸子，口感滑溜，真係好正！✨

今日放假得閒帶咗媽咪去咗觀塘食放題，放題時間為12點開始，11點45分左右已經開始排隊。自助區有黑松露煙三文魚，緊係攞多啲黑松露煙三文魚作為前菜。食物方面有新鮮刺身，咁當然要叫五六款嚟試下，當中有三文魚，油甘魚，希靈魚，帶子，甜蝦，款款新鮮鮮甜。仲有泰式生蝦。鐵板鵝肝多士，油香十足，一啖一件😋醬燒左口魚邊，同樣油香十足，入口滿滿魚油香味，令人食完又食。海膽手卷都好好味海膽蟹粉蟹肉粥，睇個顏色就知都係滿滿海膽同蟹粉煮成，鮮甜美味，暖一暖個胃。另外仲食咗燒乳鴿，串燒，好多種類都好好食！乳鴿脆卜卜夠香口仲有點心小龍蝦任食，飲品任飲，雪糕甜品都有多款選擇，有韓國雪條，朱古力味濃郁。

朋友特別喜歡晚市放題任食，每一兩個月就會相約一次聚會，今次訂位觀塘1亞太中心，極尚大瀛喜日本料理，性價比高。我個人喜好，刺身壽司我真係唔會返深圳食。極尚大瀛喜一次過享受到各種美食，氛圍也輕鬆。非常適合與家人聚會，一邊享受美食，一邊聊天，朋友評價都不錯。食物多選擇，包括壽司、刺身、冷盤小食、D24榴連蓉、炸物和熱菜等。清酒梅酒啤酒汽水任飲，質量也相對較高。日本清酒、梅酒和啤酒任飲酒的搭配可以提升用餐體驗，日本清酒，有冷有熱，口感柔和，適合搭配壽司和刺身。梅酒甜美可口，受女性食客喜愛。不同品牌的啤酒，清爽解膩，適合搭配各種日式料理。新鮮刺身拼盤拼盤美觀，一次品嚐多種新鮮海鮮刺身，各種口味和質感。松葉蟹腳、原粒帶子刺身鮮甜可口。赤蝦、俄羅斯甜蝦刺身、鮮嫩多汁，口感滑順。象拔蚌、赤貝刺身、八爪魚刺身、酒煮榮螺片、嚼勁十足，口感爽脆。希靈魚、北寄貝刺身、池魚王刺身味道濃郁，肉質緊實。搭配醬油、山葵和切片的檸檬，不容錯過的選擇！極尚磯煮凍鮑魚、泰式虎蝦、法式紅酒藍莓鵝肝招牌極尚磯煮凍鮑魚，香味濃郁，甜味十足。新鮮的泰式虎蝦，口感滑順，味道濃郁。法式紅酒藍莓鵝肝，清新脆嫩，口感有層次。新鮮的創意壽司

今日同朋友出觀塘，又到差唔多搵嘢食嘅時間，第一時間就諗到極尚大瀛喜，喺附近亞太中心5樓就有一間，貪佢多款式，就算幾個朋友一齊去，大家一定有嘢啱食，地點方便，價錢合理法式紅酒藍莓鵝肝，自己好鍾意食鵝肝，呢款鵝肝好似骰仔咁的的式式，配合埋爽甜嘅蘋果，一啖一口，鵝肝喺口裏面嘅感覺，真係好奇妙鐵板鵝肝多士，除咗上面嗰款鵝肝，如果大家鍾意食熱嘅，一樣有選擇，今次一次可以食晒兩款唔同感覺嘅鵝肝，真係大滿足北海道牛乳海鮮鍋，天氣開始轉涼，要食返啲熱嘢，呢個海鮮鍋就真係啱晒，足料，個湯底勁鮮甜，必點北海道黃金醬燒扇貝，貝類海鮮向來都係香港人嘅至愛，我都唔例外，點都一定要嗌，佢嘅醬汁非常之濃味，配合埋扇貝，十分出色川燒珍寶燒蠔，呢款辣辣地嘅感覺，配合埋嗰種獨有嘅Creamy感，大家都係貝類，但感覺完全唔同，一定要試晒兩款

尋日終於約到個frd嚟到極尚大瀛喜啦😋😋，中學之後真係愈嚟愈難約。入到去坐都未坐暖已即刻掃Code 落咗盤刺身，我嚟個刺身狂魔，對住呢盤咁靚嘅刺身真係流曬口水💦🤤我重點大推甜蝦，唔好睇佢細細隻，食落去真係超甜，另外就係帶子，大大粒好厚肉，最後就係必食嘅三文魚，重要咁岩抽中腩位 超幸福，仲有個泰式虎蝦，超開胃，不過餓到唔記得打卡。食完涷野就到熱食，鐵板鵝肝，無得輸，超大舊之餘仲要幾乎入口即溶😱，最後食咗3舊先收手。之後就係炸物🤩🤩炸鮮奶超濃味，仲有芝士年糕好煙靭，不過真係記得睇熱，因為係流心嘅！！燒生蠔🦪🦪都係大大隻，配埋啲醬汁好惹味同埋行出去飲品櫃附近見到有個新出嘅枝竹羊腩煲，即刻試試佢，啲羊腩超淋，而且仲要索晒啲汁！！！最後當然就係甜品時間🧁🧁，任食Häagen-Dazs唔洗多講，最特別係有個楊枝甘露小丸子，真係同出面嘅糖水舖有得揮！食到飽晒，埋單大約每人300蚊到，算CP值幾高。

星期一吃午市放題精神一下，每人$248吃好多美食這價錢好抵！自取區的前菜選擇相當豐富，各式飲料也足夠！刺身有俄羅斯甜蝦, 原粒帶子,挪威三文魚，赤蝦，搭配一些醬油和芥末，簡直是完美的開胃前菜👍🏻 松葉蟹腳都有！味道毫不遜色，肉質鮮嫩！日式料理中的鰻魚的香氣撲鼻，肉質滑嫩，搭配三文魚籽手卷，更是讓人愛不釋手。特別推薦燒鹽醬和牛肩胛壽司，肉質鮮美，鹽味恰到好處，火炙三文魚腩壽司十分肥美🥰中式熱食的表現同樣出色。一品蟹肉扒西蘭花的蟹肉鮮甜，與清脆的西蘭花好夾，王牌燒乳鴿的皮脆肉嫩！吉品鮑汁鮑魚一口花菇飯的鮑魚醬汁濃郁，飯粒吸滿了鮑汁的鮮味🥰 最後，金湯蟹粉燴花膠翅的湯底鮮香，花膠翅的口感十分滑溜😻在炸物方面，北海道牛乳鮮奶卷的口感非常特別，外脆內軟，奶香四溢，再吃了芝士年糕，炸榴槤及榴槤蓉超級滿足又幸福☺️聽講仲有羊腩煲等冬季食物，真係啱晒同屋企人去食～