雪媽糖水鋪

营业中

休息中

4月21日，系一个感动嘅日子，因为系有返晚市嘅日子，虽然系收10点，但系都够走两场了。同老婆食完饭之后，揾一揾附近有咩糖水食，见到e间就去试下啦，门口泊到车非常方便。入到去之后，见到好多只我爱嘅bearbrick ，即刻好似返左屋企咁样，坐低之后就望下个menu先，款式都几多wor，有中式，有西式，有小食，我同我老婆就选择椰皇炖百利甜酒同埋朱古力心太软。首先黎嘅系椰皇炖百利甜酒，卖相唔错，首先食面头d cream，好香百利酒味道，cream好幼滑，上面重有d椰丝同埋朱古力粒，食完e层之后就到中间嘅椰皇布甸，冻嘅，味道同cream差唔多，但系口感就好大分别啦！布甸香滑，甜甜的，口感滑嫩。到最底层啦！食落去好香，好熟嘅口味，但系就讲唔出系咩黎，问完员工后得知系炖蛋白，哗，一个椰皇有咁多重食法，又几好食，就真系唔错，推介。之后到心太软啦！竟然有两球雪糕咁多，出面都系多一球，我就选择左薄荷朱古力同埋棒子，试下个心太软先，焗嘅时间刚刚好，心太软好香浓，香朱古力味同埋牛油味，我地好快就食完了。总结黎讲就真系唔错，会再帮衬