周師傅點心 (已結業)

又再一次来到周师傅食晚间点心，最正就系收咗工依然有得食热辣辣嘅点心。XO酱炒萝卜糕粒粒都热辣辣，沾满XO酱，表面脆卜卜，入面带有萝卜丝，唔会好粉口。招牌脆皮马拉糕同传统马拉糕味道好唔同，呢个味道似鸡蛋糕多啲，因为鸡蛋味真系好浓，无马拉糕个个糖味咁重，口感都松软，而且份量一啲都唔细。创意点心H&M船呢款似西式多过中式点心，系一款烘热咗嘅多士，入面有火腿同芝士，烘到脆卜卜，不过略嫌芝士太少，多返少少口感会好啲。蒜蓉蒸开边虾饭呢个我极力推介！当晚见好多人都食蒸饭，所以心思思想叫一个。蒜蓉味好香，虾都新鲜㖞，啲饭索晒味，最紧要相当抵食，配埋中茶，食完好满足。