影片
更多
2016-04-30
1047 浏览
食得多中餐西餐，口痕想食下越南菜，叫妈咪介绍啲平靓正既选择，结果佢就带左我黎呢间系长沙湾既街坊餐厅，铺头细细，但人流不绝，食物仲意想唔到咁高质添！！大约七点几左右黎到，点知满左要等位，呀哥仔都好好态度话叫我地等等，大概十分钟就有人走喇，同时都有五六个人等紧位，生意确系唔错呀！呢到无论汤粉定捞檬都系三十几蚊，价钱算几平架~小食都系廿几蚊，绝对令人想叫无限架哈哈我叫左鲜蔬札肉鸡丝檬粉，而朋友叫左香茅猪排檬粉同生牛肉河粉，小食我地就叫左札肉鸡丝纸米卷同烤猪颈肉。讲左我个札肉鸡丝檬粉先，一拎到黎，哗，真系个碗大过我块面多多声啲粉都好多，最正系佢写鲜蔬真系有好多蔬菜配料呀！！！除左正常有既炸蒜头蓉同葱果啲之外，佢有大量萝卜丝，菜丝，仲要有酸腌白萝卜添！全部都多兼且好新鲜既感觉，个酸萝卜令人非常开胃觉得好健康呀~札肉同鸡丝既量都唔少，不过札肉系一条条唔系一片片，所以系少过平时既，但檬粉份量同样都多，真系岩哂我呢啲大胃王。朋友叫既生牛肉河，牛肉都有6-7旧，河粉量同样多，最窝心系佢将青柠同芽菜同罗勒叶另上一碟，等客人中意落几矛就几多，仲唔会比啲汤汤林哂啲配料添！！！至于香茅猪排同样系大份量，切左5旧
大约七点几左右黎到，点知满左要等位，呀哥仔都好好态度话叫我地等等，大概十分钟就有人走喇，同时都有五六个人等紧位，生意确系唔错呀！
呢到无论汤粉定捞檬都系三十几蚊，价钱算几平架~小食都系廿几蚊，绝对令人想叫无限架哈哈
我叫左鲜蔬札肉鸡丝檬粉，而朋友叫左香茅猪排檬粉同生牛肉河粉，小食我地就叫左札肉鸡丝纸米卷同烤猪颈肉。
讲左我个札肉鸡丝檬粉先，一拎到黎，哗，真系个碗大过我块面多多声啲粉都好多，最正系佢写鲜蔬真系有好多蔬菜配料呀！！！除左正常有既炸蒜头蓉同葱果啲之外，佢有大量萝卜丝，菜丝，仲要有酸腌白萝卜添！全部都多兼且好新鲜既感觉，个酸萝卜令人非常开胃觉得好健康呀~札肉同鸡丝既量都唔少，不过札肉系一条条唔系一片片，所以系少过平时既，但檬粉份量同样都多，真系岩哂我呢啲大胃王。朋友叫既生牛肉河，牛肉都有6-7旧，河粉量同样多，最窝心系佢将青柠同芽菜同罗勒叶另上一碟，等客人中意落几矛就几多，仲唔会比啲汤汤林哂啲配料添！！！
至于香茅猪排同样系大份量，切左5旧，我食左旧，都煎得好香同埋味道好够浓，最重要系肉汁够哂juicy~~~ 唔算好厚但都ok! 全部都推荐大家叫啊！！
我第一次食呢个米纸卷，$40有4旧，超级好食的！！！入面既蔬菜丝好多之余，连埋扎肉同鸡丝系入面，配料劲丰富！！我忍唔到要叫多个....结果叫左8件（$80）平时悭妹既我一定唔会架，您知几咁好食啦~~~
猪颈肉同样系好食既，$28有咁多旧！！！超值呀不过呢个味道我觉得唔够香同埋汁太少了，肉质本身系嫩滑既，咬落爽口完全唔韧身但较淡口，唔够重口味，而且见佢表面都几多油既，所以味道方面就扣左啲分喇今餐绝对系惊喜既一餐，份量同味道同价钱样样都满意啊~~推介推介
张贴
