新泰東南亞餐廳 (興旺閣)

营业中

休息中

星期日下午茶时经过呢间泰国餐厅，未食lunch又见到下午茶时段餐牌全单8折，几吸引，所以入去试吓。餐厅装修都几靓，店员安排我哋坐卡位，好寛阔舒适。后来发现原来上面仲有一层，一大班朋友嚟都唔错。我们2人点了2份午市套餐+小食，再加一份我最爱的大蚬。海南鸡饭，要赞一赞鸡肉好嫩滑，味道适中。油饭啖啖油香，连鸡汤都好好饮。星洲喇沙虾米线走芽菜，大大碗，呢度嘅喇沙比较重椰香味，配菜丰富，米线软硬适中。小食虾饼，跟餐加$28的虾饼竟然有4件咁多，完全无谂过。虾饼食落够热够弹牙，好香口，推介。马拉盏炒通菜，亦都系水准之作，通菜软硬刚刚好，好够咸香味。最后就系辣椒膏炒大蚬，大大碟，食得出有多款香料的辣汁，又唔会太辣，好开胃。而且蚬肉大大只，无沙，每粒都吸到辣椒汁的味，好够镬气，配冻饮啤酒饮一流！个人十分推介！饮品点了2杯青柠梳打，好清新～另外加杯热香茅茶。另外想赞一赞呢度店员服务态度十分好，有笑容，亦主动介绍不同类型餐点。睇餐牌仲有其他炒海鲜都好吸引，下次再嚟试。