北料南麵 (已結業)

今日去开深水埗买电脑零件，格价格到脚都软，突然好想食一碗辣辣哋嘅面，于是乎就走咗入呢间面舖度食嘢，叫咗一碗猪润小辣面 ，麻辣猪耳，同一杯豆浆。先来一碗麻辣猪润面上面有五六块非常厚切嘅猪润， 师傅嘅手势认真一流，竟然可以将成块猪润整到唔鞋口，非常滑溜， 刚好熟嘅猪润口感真系一流！麻辣汤底非常地道，会见到上面有少少麻籽， 汤底浓郁，麻辣味非常刺激！完全唔系连锁米线铺𠮶啲麻辣汤底，面身亦好弹牙爽口 ，有冲动想叫多一碗！麻辣猪耳好干身，有少少蒜蓉喺面，爽脆弹牙！值得一试另外豆浆睇得出系诚意之作， 似系自家制作