金記冰室 (都會駅) (已結業)

今日和妈妈去了调景岭，顺便喺都会駅嘅金记冰室食嘢。上网见到金记冰室嘅食评都几一面倒，同我之前食过一次嘅印象好大出入，但今日食完之后，发现其实都唔系人哋讲到咁差啫。我和妈妈一人一个铁板餐，仲要加咗杯红豆冰，两个都食得好满足！🤩铁板海陆空铁板热腾腾的上碟，可以选择酱汁另外上。海陆空包括了猪扒、鱼柳、鸡全翼，份量好多！鱼柳外皮香脆，鱼柳肉清淡得来有少少鱼香。鸡全翼都十分香脆，食落好惹味！猪扒翼都够软腍，肉汁丰富。铁板美式集扒以为铁板海陆空嘅份量好多，点知呢个集扒嘅份量真系多到食唔晒！一份铁板有齐牛扒、猪扒、鸡扒、肠仔、烟肉，真系令人大满足！特别想讲嘅就系牛扒，个人认为必须要配搭黑椒汁😋！我和妈妈都选择了铁板配薯菜，大家都对香脆嘅薯格竖起大拇指👍🏻一个铁板餐有餐汤、有饮品，都只系大约$100 ，觉得性价比都唔错呢！