食驗室 (D2 Place) (已結業)

今日返工劲忙，多嘢做到喊😭，谂住放 lunch 喺附近嗱嗱声食啲嘢就算。经过 D2 Place 2 期上咗 3 楼，见到呢间 Fat Lab 觉得几有型就行咗入去。随意点咗份芝士拉丝蘑菇烟肉墨西哥馅饼 ($48) 🥙，再加咗杯假日雪莉 ($18)🍹。等咗阵就上餐，都算好快手吓🤩，啲员工都几有礼貌。杯饮品唔错，份蘑菇烟肉 Quesadilla 喺足料有口感嘅，簿饼外层香脆😋，但我觉得芝士可以再多啲，未真系做到芝士拉丝嘅效果🤔。店舖隔离有块玻璃，见到哂成个制作过程，感觉都几衞生。另外一边有张枱，我就企咗喺旁边食嘢，有埋櫈会更加正🙌🏻。整体嚟讲都算唔错，价钱合理，好啱赶时间或者想买外卖返公司食嘅人。 下次会想再嚟，试埋丼饭或者 Burger，睇相好似好吸引咁🤤。