影片
更多
2017-01-09
4820 浏览
大概一年前黎过呢个cafe，净系试左佢个甜品窝夫，当然已经觉得好抵食，但食左晚饭无计啦。今次同朋友想揾个地方倾计又要食平野，就一于试呢间，结果朋友非常满意由于我同朋友两条友都系严重选择困难症，呢到个餐牌真系好野到呢...中式又有西式又有，见到锯扒好吸引想叫，点知转个头又见到蛋包流心饭又想叫重点系全部都好平...师奶黑洞表示好想试哂佢水牛芝士蕃茄沙律本来想叫个沙律，见四十几蚊健康下都好，点知黎到真系吓一吓！平时沙律声称有芝士，通常系芝士粉或者一少撮芝士碎已经好比面啰，估唔到呢个真系有水牛芝士仲要用黎围边，砌到咁靓靓又好多粒，拿有食开芝士既人都知超市买一包都几十蚊，呢个配埋蕃茄好fresh，整体好抵🤘🏻芝士黑松露焗西兰花又一个健康但惹味之选！点解呢到啲野连小食都咁大系咪因为知道我黑洞黎呢到既西兰花都起码一个半，多到呢...芝士加埋白汁都系无敌配搭，黑松露反而唔系好突出，不过芝士都正流心芝士蛋包饭配咖哩汁鱼柳又一抵食之选首先炸鱼柳鸡扒猪扒任您拣，而家香港咩都无得拣...难得有得拣仲有成10只汁任配，而且唔系hea汁，有芝士汁龙虾汁蒜蓉汁等等，我拣左咖哩汁，汁既量好多够哂捞饭捞𩠌！被个流心蛋吸
由于我同朋友两条友都系严重选择困难症，呢到个餐牌真系好野到呢...中式又有西式又有，见到锯扒好吸引想叫，点知转个头又见到蛋包流心饭又想叫重点系全部都好平...师奶黑洞表示好想试哂佢
水牛芝士蕃茄沙律本来想叫个沙律，见四十几蚊健康下都好，点知黎到真系吓一吓！平时沙律声称有芝士，通常系芝士粉或者一少撮芝士碎已经好比面啰，估唔到呢个真系有水牛芝士仲要用黎围边，砌到咁靓靓又好多粒，拿有食开芝士既人都知超市买一包都几十蚊，呢个配埋蕃茄好fresh，整体好抵🤘🏻
芝士黑松露焗西兰花又一个健康但惹味之选！点解呢到啲野连小食都咁大系咪因为知道我黑洞黎呢到既西兰花都起码一个半，多到呢...芝士加埋白汁都系无敌配搭，黑松露反而唔系好突出，不过芝士都正
流心芝士蛋包饭配咖哩汁鱼柳又一抵食之选首先炸鱼柳鸡扒猪扒任您拣，而家香港咩都无得拣...难得有得拣仲有成10只汁任配，而且唔系hea汁，有芝士汁龙虾汁蒜蓉汁等等，我拣左咖哩汁，汁既量好多够哂捞饭捞𩠌！被个流心蛋吸引左所以叫 ，虽然唔系预期果种流心，而系蛋包住咖喱汁，但整体超大份！！！块鱼放左劲耐都仲系脆皮，极大块又厚肉，五十蚊真系无得输🤘🏻
烧春鸡铁板锯扒有好多选择，但拣左呢个烧春鸡，由于之前既野太大份，呢个春鸡显得有啲细....本身只鸡已经细仲要半只不过薯条好多好多垫底全部都系，蒜容汁又浓又惹味！！再拣应该唔会拣鸡，拣杂扒仲平d
自选窝夫一年前黎就系食呢个，一年后再黎食都系四十八蚊，窝夫拣左朱古力味，配料有好多生果拣，蓝莓士多啤梨蕉都得，不过朱古力同蕉呢个配搭实夹既，酱又系有得拣，士多啤梨酱即刻帮手中和下窝夫既饱滞感，窝夫偏脆而唔会好厚实好重面粉果只，同朋友share每人两件都好full最重要都系果句，够哂平
至于饮品拣既涷朱相对淡口，应该叫少冰会好啲饱到上心口既一餐，食左咁多野都系一共二百几，朋友好满意我呢个选择
张贴
