Oh Food 清真阿拉伯料理 (已結業)

朋友介绍话唔错同埋阿拉伯菜式特别，所以就约左男友黎试下。我地食左叫左个二人套餐再加钱配其他野，怠觉上抵食d：茄子番茄沙律新鲜既茄子番茄加埋洋葱配埋醋汁，几开胃。乳酪茄子茸第一次试食，卖相一般，但茄子茸配埋个面包食落口既味道又几特别，最后都系食晒冇得留低。薄荷柠檬汁酸酸地都几开胃Signature Dish: 烤羊架配阿拉伯饭特登加钱转左佢个特色菜式烤羊架，但系就有d失望。虽然4件羊架都系啖啖肉，但系同西餐食到既质素差唔多，冇乜特色可言。反而个阿拉伯饭就好特别，粒粒分明，几好味。白汁蘑菇青椒牛肉丝配阿拉伯饭秘制既白汁蘑菇汁配埋烤牛肉同埋阿拉伯炒饭好夹好好味，食到停唔到口。苹果批好少食到苹果批里面有吉士。唔会太甜同太漏，连男友一向唔食苹果批都话好味，诚意推介。埋单落楼唔使$500就食到港岛区食到阿拉伯美食，两个字，超值！