影片
更多
2020-10-04
521 浏览
大家唔好以为我好似日日出去食饭好富贵咁，其实只系我之前食过嘅餐厅一直都冇时间好好咁整理，而咁啱最近放紧假，所以就想尽量分享多啲，希望大家都有兴趣睇我嘅食评啦 ！相信大家都知道九龙城系一个好出名食泰国菜嘅地方，我自己曾经都系九龙城工作过一段好短嘅时间，所以都对附近嘅餐厅有少少熟悉，之前就有特登同屋企人去𠮶边食一间泰国菜觉得都好好味所以想同大家分享吓。呢间泰国菜并唔系一般嘅连锁店，一睇佢个门口就已经知道佢系小本经营，连佢啲员工都应该貌似系泰国华侨或者泰国人，再加上佢哋嘅装修会令到你真系觉得去咗泰国嘅感觉！呢间餐厅嘅价钱定位一啲都唔贵，好多𩠌菜都系$100以下，而且全部𩠌菜都热辣辣送上嚟，有啲嚟到面前直头出紧烟！我自己最最最推介嘅系佢嘅炸虾饼，粒粒都胀卜卜，咬落去仲食到好多虾肉嘅感觉，真系好满足！泰国煎蚝饼既用料一啲都唔吝啬，有劲多蚝仔，佢用个铁板送上嚟𠮶阵连隔离枱都望到哗哗声㗎！佢既镇店之宝应该系南瓜咖喱软壳蟹，基本上大部份枱都叫咗一份，佢嘅咖喱系放喺一个原只南瓜入边，咖喱入口比较甜，再加上南瓜肉嘅味道，感觉上真系好似食紧甜品咁，我平时好少食南瓜嘅都忍唔住食，软壳蟹反而就比较普通，但系入口
相信大家都知道九龙城系一个好出名食泰国菜嘅地方，我自己曾经都系九龙城工作过一段好短嘅时间，所以都对附近嘅餐厅有少少熟悉，之前就有特登同屋企人去𠮶边食一间泰国菜觉得都好好味所以想同大家分享吓。
呢间泰国菜并唔系一般嘅连锁店，一睇佢个门口就已经知道佢系小本经营，连佢啲员工都应该貌似系泰国华侨或者泰国人，再加上佢哋嘅装修会令到你真系觉得去咗泰国嘅感觉！呢间餐厅嘅价钱定位一啲都唔贵，好多𩠌菜都系$100以下，而且全部𩠌菜都热辣辣送上嚟，有啲嚟到面前直头出紧烟！
我自己最最最推介嘅系佢嘅炸虾饼，粒粒都胀卜卜，咬落去仲食到好多虾肉嘅感觉，真系好满足！泰国煎蚝饼既用料一啲都唔吝啬，有劲多蚝仔，佢用个铁板送上嚟𠮶阵连隔离枱都望到哗哗声㗎！佢既镇店之宝应该系南瓜咖喱软壳蟹，基本上大部份枱都叫咗一份，佢嘅咖喱系放喺一个原只南瓜入边，咖喱入口比较甜，再加上南瓜肉嘅味道，感觉上真系好似食紧甜品咁，我平时好少食南瓜嘅都忍唔住食，软壳蟹反而就比较普通，但系入口都酥脆嘅。
另外我哋嗌左个海鲜湿炒河，呢度值得一提嘅就系我发觉九龙城大部份泰国菜馆如果买河粉𠮶阵佢哋真系会俾返泰国方形冇切过嘅炒河粉俾你，呢个亦都系一个我好钟意喺九龙城食泰菜嘅原因，因为呢一只河粉真系好滑！至于腊肉炒芥兰我觉得都唔错嘅，如果要弹嘅话我就会觉得佢嘅饮品除咗泰式奶茶之外其他都比较逊色，不过对于我来讲，我觉得呢间小店嘅性价比真系好高，绝对有再帮衬嘅动力架！
张贴