阿里山台式美人鍋 (已結業)

2018即将完结，拣左间新野试下，一试有惊喜，呢间位于上海街嘅阿里山美人锅，系上次我同朋友行去官涌街市途中已经留意到，然后话要一齐试下嘅。餐厅面积就唔算话好大，记得预约，虽然新，但已经有唔少人认知。座位方面有卡位，大圆枱，店员服务非常好，印象分已经唔错。首先睇左餐牌，呢度主打台式火锅，汤底方面有非常滋补嘅美人锅，仲有麻辣锅、酸菜白肉锅、胡椒猪肚鸡锅、三杯鸡锅，价钱系128-268，部分可以双拼，加30蚊，锅底真心赞，非常足料，净系食个锅底都抵。我地点左双拼：酸菜白肉锅、麻辣锅少辣($158)，酸菜白肉锅劲多料，除左腌过嘅大白菜、五花腩，仲有蕃茄、粟米，酸度十足，啱啱好开胃，而且里面仲有宽粉，足料！而麻辣锅简直系我至爱，点左少辣，好温和，用好多材料再加药材制成，见到红枣、龙眼等，真系好香，带少少麻嘅啫，唔会好辣，同四川火锅好唔同。锅底中已经有鸭血，滑嫩到不得了。而且仲可以免费追加多一客，真系抵配料方面我地点左少量，由于锅底太出色，都令配料好好食。贵妃蚌每只$48，大只新鲜爽口。我地打边炉就必点炸厚切午餐肉，即炸白猪仔，出色，香脆。咸蛋黄虾丸好大粒，半份$48，虾肉味明显，但佢地唔系好起胶