有緣小敍

营业中

休息中

第一道菜系香煎羊架，一上枱就闻到阵阵羊肉香，煎得外皮微脆，内里仲保留到肉汁，咬落去好嫩滑。佢嘅调味唔算太重，孜然同香料嘅味道突出但唔会抢咗羊肉嘅鲜味，份量都够多，几个人分都唔觉得少。煎得啱啱好，油香同肉味平衡得宜，食完真系有啲满足感😋。跟住点咗麻辣大盘鸡，呢个系招牌菜之一。大盘鸡上枱时热气腾腾，鸡块份量十足，仲有大片薯仔同菇类，汤汁浓稠带微辣，辣度啱啱好唔会太呛。加咗Biang Biang面之后更加有惊喜，面条阔而长，口感烟韧又有弹性，吸满咗麻辣汤汁，每啖都好入味，层次感好够🌶️。之后试咗酱骨架，呢个肉质炆得软腍。酱汁浓郁，带点甜同咸嘅平衡，骨边嘅肉好多，食落好juicy。完全唔觉肥腻，酱料渗入骨髓，连骨边嘅软骨都好有味道。🍖。饮品方面，叫咗冻巨峰葡萄乌龙樽，一饮落去清新嘅葡萄味同乌龙茶嘅茶香好夹。甜度唔高，饮完好解渴，带住冰凉嘅口感。🍇。另一款饮品系冻蜜桃乌龙樽仔茶，蜜桃味好香甜，唔会觉得太甜或太淡，清甜又解油腻之余，有啲茶嘅余韵，几啱我口味🍑。最后试咗炸汤丸，外皮炸得脆卜卜，一咬开有热辣辣嘅黑芝麻馅流出嚟。甜度适中，芝麻香浓而不腻，外面脆内里软糯嘅口感好有层次。