高橋沾麵製作所 (已結業)

本人觉得几好食，沾面能够挂汤，不过就比较硬身，如果可以选择硬度就更好（可能只系我miss咗）。但系店员嘅态度实在系有太大嘅改善空间，而佢嘅态度真系好影响顾客嘅心情同店舖嘅形象。某男店员全程工作都系好大声咁掟嘢，经常掟到啲汤泻出嚟。而问人拎叫号牌时，身体语言同说话都俾人不礼貌嘅感觉。希望只系因为一时心情唔好先以致佢工作态度有异，不过亦希望佢唔好带个人情绪去工作；若然系本身就咁，希望能够作出改善。另外，章鱼烧$26应该只系午市优惠，但系就冇讲清楚，埋单见收咗$28。