朱敏記桑拿菜 (已結業)

之前LUNCH同同事食过朱敏记桑拿菜，印象唔错，今晚带埋屋企人黎试吓，大家都大赞，开开心心咁食咗个晚饭～人数唔多，叫咗酸菜鱼、红葱头鸡、深海爽鱼片，样样都份量十足，食到大家饱饱撑住个肚走～酸菜鱼又酸又麻，真系拌饭一流既好选择！汤头集齐酸辣麻香于一身，汤汁好浓郁，鱼肉入口滑溜啖啖肉，好有传统四川风味！红葱头鸡第一次见呢道菜，即刻叫黎试试～上枱香气十足，鸡件嫩滑可口，搭配新鲜红葱头，特别鲜香滋味。深海爽鱼片爽鱼片够新鲜，入口香嫩爽滑，爽脆得黎好有咬口，仲好鲜甜添，全家都大赞！