影片
更多
2023-09-25
19 浏览
今日去到西环嘅巴辣仔烤鱼食烤鱼，烤鱼有三种鱼：沙巴龙趸、江团鱼、凌波鱼；有八种口味：爆柠酸菜烤鱼、经典香辣烤鱼、籐椒味、不辣之选酱香味、大红灯笼泡椒味、金银蒜香味、蕃茄味、麻辣卜卜蚬烤鱼。最后选择咗细嫩肉质嘅凌波鱼$318，味道系招牌口味：爆柠酸菜烤鱼，仲可以选择辣度：BB辣。烤鱼煎到黄金色，超大条，足够三至四个人share，鱼身上面铺满柠檬、青柠、超多酸菜，仲有芽菜、洋葱等作为配料。配料方面需然冇辣椒，但都依然食到有辣味，有可能系用咗辣油作为调味，辣度固定左，唔怕有辣椒会越煮越辣！烤鱼煮滚咗之后即刻试吓佢个汤，酸辣得来带点鲜甜，超好饮！鱼肉无小刺，肉质细嫩，配酸菜一齐食可以解滞！大推荐！留意番煮到后期嘅时候柠檬、青柠开始会有啲酸涩味出嚟，食到中途记得挑佢哋出嚟，咁就可以保持汤底鲜甜！食烤鱼当然要配返少少配料！叫左黄金组合$38：金菇、莴笋、土豆、莲藕，仲有薯粉$20，由于汤底好食，落咩配料都咁好食！另外见到呢度仲有烧烤可以叫，叫左烧生蚝（2只、蒜香味 ）$68、烧手工面筋（2串、BB辣）$28、烧脆鲩鱼（2串) $52。烧生蚝大大只，铺上满满嘅蒜，肉质鲜甜！手工面筋上面铺满辣粉同孜然
今日去到西环嘅巴辣仔烤鱼食烤鱼，烤鱼有三种鱼：沙巴龙趸、江团鱼、凌波鱼；有八种口味：爆柠酸菜烤鱼、经典香辣烤鱼、籐椒味、不辣之选酱香味、大红灯笼泡椒味、金银蒜香味、蕃茄味、麻辣卜卜蚬烤鱼。最后选择咗细嫩肉质嘅凌波鱼$318，味道系招牌口味：爆柠酸菜烤鱼，仲可以选择辣度：BB辣。
烤鱼煎到黄金色，超大条，足够三至四个人share，鱼身上面铺满柠檬、青柠、超多酸菜，仲有芽菜、洋葱等作为配料。配料方面需然冇辣椒，但都依然食到有辣味，有可能系用咗辣油作为调味，辣度固定左，唔怕有辣椒会越煮越辣！烤鱼煮滚咗之后即刻试吓佢个汤，酸辣得来带点鲜甜，超好饮！鱼肉无小刺，肉质细嫩，配酸菜一齐食可以解滞！大推荐！留意番煮到后期嘅时候柠檬、青柠开始会有啲酸涩味出嚟，食到中途记得挑佢哋出嚟，咁就可以保持汤底鲜甜！
食烤鱼当然要配返少少配料！叫左黄金组合$38：金菇、莴笋、土豆、莲藕，仲有薯粉$20，由于汤底好食，落咩配料都咁好食！
另外见到呢度仲有烧烤可以叫，叫左烧生蚝（2只、蒜香味 ）$68、烧手工面筋（2串、BB辣）$28、烧脆鲩鱼（2串) $52。烧生蚝大大只，铺上满满嘅蒜，肉质鲜甜！
手工面筋上面铺满辣粉同孜然粉，食落好香、弹牙，推荐！
最后烧鲩鱼都用咗辣粉同孜然粉调味，肉质脆身爽口，味道好食，但略嫌有少少骨刺，如果做到冇骨会更好！
食烤鱼当然唔少得饮品，叫左至尊手作鲜果茶
$45、满杯红柚惑$38，用新鲜水果制作而成，卖相吸引，饮落酸甜清爽解滞，大大杯性价比高！
食咗咁多嘢已经好饱，但都要试埋免费冰粉，冰粉有八种配料，红糖、蜜瓜、山楂、红豆、花生碎、葡萄干等等，可以自行调配自己口味嘅冰粉。另外自助吧亦有免费菊花茶提供。
张贴
