影片
更多
2018-01-28
866 浏览
八沢 (沢：同泽，开业多时，但过往门前宣传不多，令人为之却步。假日落东大街觅食，发现餐厅宣传落力咗唔少，更重要系见到menu，一于嚟个早到的团年(excuse)。八沢装修尽显创意、玩味。仿真鱼cushion挂喺天花，犹如置身日本渔市场。墙身餐点推介呈拼图造型，简单但吸睛~听朋友讲八沢乌冬比拉面出色，果然冇令我哋失望。钟情弹牙乌冬嘅人一定系叫乌冬，过咗冷河嘅乌冬会收缩，自然较为黏韧。芥末果醋带子冷乌冬较其他菜式简朴，只以果醋酱油调味，唔花巧，简单食材配搭更令人专注于食材真味。乌冬大过一个面饼，加上四只厚肉带子，食到好饱。乌冬绝非一般货色。未点酱汁，先试原味。新鲜嘅乌冬当然冇酸味，扁身乌冬湿润滑溜，望落洁白透亮。冷食挂乌冬，沾上果醋汁，散发淡淡柚子香，酸溜溜好开胃。芥末混和酱汁感觉刚好唔刺鼻，调味恰到好处。采用原只带子，每只都肉厚肥满，曲奇饼咁大。只系轻轻灼过，仲未完全变白，几有鲜味。溏心蛋整个蛋黄呈半液体状态，质感绵密，蛋白亦系啱啱成形，仲好滑溜。不过蛋黄略嫌淡口，由于唔系味付玉子，选用更浓蛋黄香嘅鸡蛋会更好。唔少人都推荐黑松露忌廉海鲜乌冬。黑松露落得好重手，味道香浓。忌廉汤底奶白，但冇
八沢装修尽显创意、玩味。仿真鱼cushion挂喺天花，犹如置身日本渔市场。
墙身餐点推介呈拼图造型，简单但吸睛~听朋友讲八沢乌冬比拉面出色，果然冇令我哋失望。
芥末果醋带子冷乌冬
$78
33 浏览
0 赞好
0 留言
乌冬大过一个面饼，加上四只厚肉带子，食到好饱。
乌冬绝非一般货色。未点酱汁，先试原味。新鲜嘅乌冬当然冇酸味，扁身乌冬湿润滑溜，望落洁白透亮。冷食挂乌冬，沾上果醋汁，散发淡淡柚子香，酸溜溜好开胃。芥末混和酱汁感觉刚好唔刺鼻，调味恰到好处。
采用原只带子，每只都肉厚肥满，曲奇饼咁大。只系轻轻灼过，仲未完全变白，几有鲜味。
溏心蛋
12 浏览
0 赞好
0 留言
唔少人都推荐黑松露忌廉海鲜乌冬。
黑松露忌廉海鲜乌冬
$88
20 浏览
0 赞好
0 留言
忌廉汤底奶白，但冇想像中咁漏，因为主要系淡忌廉，冇落太多牛油。
三文鱼块好厚好香，但煮得熟咗啲，唔够滑。
忌廉乌冬嘅带子全熟，比起挂乌冬嘅半熟带子易咬、爽口。忌廉汤本身够香浓，所以带子自然质感比原味重要。厨师连带子生熟度都顾及到，几细心~
好少听人提及八沢嘅串烧。其实都做得唔错~
黑豚生蚝烧
$68
19 浏览
1 赞好
0 留言
猪肉片烧至渗出油脂，边边位脆口。
串烧嘅调味唔多，味道来自中间多汁肉厚嘅生蚝。比起一味用照烧汁嘅串烧，我更钟意呢种配搭。
明太子鸡翼
$38
18 浏览
0 赞好
0 留言
明太子鸡翼将鸡中翼部分拆骨，酿入明太子，封口再炸至金黄。
鸡翼炸后依然嫰滑，明太子事先拌入葱花，但炸后明太子比较干身。如果鸡翼调味淡啲，突出返馅料味道，就更好喇~
最后推荐呢杯蜜柑啤酒，$38 250mL，价钱公道。
麒麟蜜柑生啤 (250ml)
$38
35 浏览
0 赞好
0 留言
我唔系饮开酒嘅人，亦唔算爱酒，一味追求醉意就唔啱我喇，但系每次见到特别口味嘅啤酒都会心动。
啤酒开头饮嘅时候觉得唔系几苦，饮落舒服，但有欠蜜柑味。正当饮到一半，肚涨涨打算放弃嘅时候，口中含住嘅一啖酒竟然慢慢渗出蜜柑酸甜味，唔假、唔漏，唔系糖水味！原来蜜柑糖浆沉晒底...大家切记要问店员拎长匙羮搅匀先好饮。如果一早知道，啤酒甘味配淡淡蜜柑香一定更正！
成餐饭食得几开心，店员有礼而且细节位就得唔错。餐牌循环再用，食串烧时店员又会收走汤碗，比只新碗仔我哋盛住串烧。
服务贴心，贴士樽可能唔系摆设嚟架~
张贴
