金陶軒 (已結業)

由于师妹离别在即, 为表孝心决定提前庆祝父亲节, 于是乎师傅拣左呢间食店, 顺便带师妹黎呢度一试, 于是乎一早订定位, 一行四人准时开餐!一坐底大家商量下食咩先, 最后决定要个招牌菜俪影红纱卷, 烧味拼盆, 虾酱炒通菜, 香杧炒双柳, 蒜蓉粉丝蒸蚌(唔记得系咩蚌)再加个例汤! 先讲个俪影红纱卷, 系用越南米纸包住块牛肉, 做到成个号角咁样, 然后再将一个混入牛肉粒酱汁夹埋黎食, 卖相一流, 而味道十分出色, 个酱汁系辣辣地劲惹味; 烧味拼盆净系要左叉烧拼烧肉, 叉烧烧得好香, 半肥瘦适中, 肉质好松, 不过就口感几假, 肯定落左好多松肉粉, 唔似叉烧, 唔好味; 而烧肉个皮唔算好脆, 不过就劲弹牙, 咬口麻麻, 一般啦; 虾酱炒通菜嘅通菜好嫩绿, 但系虾酱份量过多, 所以偏咸; 香杧炒双柳嘅杧果都几甜, 而双柳系牛柳同鸡柳, 味道都几好, 唔差; 蒜蓉粉丝蒸蚌嘅蒜蓉系劲好香, 好吸引好好味, 粉丝份量不多不少, 连埋d蒜蓉同豉汁一齐食系劲正, 蚌就好鲜, 口感一流, 好正; 例汤就要左青红萝卜汤, 汤底好清好甜, 冇味精, 好正呀!总括而言食物质素都颇好, 系叉烧水准最唔合格, 服务殷