古琴雅苑 (QRE Plaza)

营业中

休息中

新春捞起 ＄228新一年个个都希望可以捞到风生水起，咁梗系要点返碟捞起黎食啦。新春捞起材料有红萝白丝、青萝白丝、黄萝白丝、京葱丝、紫椰菜丝、番薯干丝、炸芋头丝配上炸莲藕片、金华火腿丝及烟三文鱼。仲有酸酸甜甜嘅酱汁而成。不过最紧要食个意头，我都系依度恭祝大家新一年事事顺心！烤北京填鸭 ＄168（半只）＄328（一只）师博出色嘅刀功，将北京填鸭切成108块，其中有十几块系「一口酥」，亦系北京填鸭最精华嘅部分，入口即融嘅口感真系好正。而古琴雅苑嘅北京填鸭最特别嘅地方就系有哈蜜瓜做配料，岩晒小朋友嘅口味。香草鲜鱼羹 ＄88鲜鱼羹超香甜，即使系好似我唔系太钟意食鱼嘅人都觉得容易入口。唔怕会有一阵鱼腥味。宫保河虾仁 ＄158微微辣辣嘅花生同虾仁，但对于钟意食辣嘅我黎讲就一定唔够。虽然系有少少微辣味但绝对唔会盖过鲜虾嘅甜味，令人好似食紧一堆辣粉咁。蟹粉狮子头 ＄158 传统上海菜式，卖相同味道都一流。婆婆最钟意就系食依样𩠌。因为有好多菜岩晒上左年纪嘅佢。椒盐黄鱼 ＄138 厨师将条鱼炸度脆卜卜，所以就连骨都可以吞落肚。而且唔洗担心小朋友或者老人家食个阵会啃亲。啖啖鱼肉岩晒钟意食鱼但又怕啃骨嘅朋友仔。