福滿庭酒家 (已搬遷) 新店位置

我哋屋企做节，如果拣出街食，不嬲都唔会拣正日，只要人齐夹到时间就可以。事关屋企人唔想硬食套餐，所以我哋都会提早食。今年团年饭又拣咗嚟花都呢间酒楼，都唔系第一次黎食，对于呢个餐牌都几熟悉，虽然今次有少少变动，但其实嚟嚟去去我哋都系食果d，今餐都保持到水准！炸乳鸽皮脆肉嫩，加少少椒盐食，超惹味。上面仲有几块空气虾片，一咬入口就溶化晒，呢种虾片细个果阵我阿嫲都有炸！锦江海鲜豆腐煲呢个豆腐都几足料，除咗主角豆腐，海鲜都唔少，有虾、鲜鱿、带子、珊瑚蚌。酥炸美国桶蚝炸浆厚薄适中，又够脆，有以前大排档果种风味。美国桶蚝炸完仲好肥美，正!蒜茸蒸贵妃蚌蚌肉鲜甜，蒜茸蒸好香，系粒肉细只咗d~脆皮烧鹅烧鹅皮都几香脆，鹅少少肥，都ok!瑶柱炒豆苗喺街食菜一般我都钟意拣豆苗，因为酒楼炒嘅豆苗特别好味！不过，我发现而家好多酒楼都用劲多金菇捞埋瑶柱煮个献，真心觉得而家d物价高企。