影片
更多
2016-02-12
2143 浏览
庆祝情人节㖞，梗系食番餐法国菜啦，呢间餐厅，舖细细，位真系唔多，不过就几有法国feel 嘅。我嘅情人节大餐就食咗5样嘢，Smoked trout served with avacado cream, Bayonne ham, poached egg and briocheOnion SoupConfit duck leg with Provencale tomato, sauteed onions and potatoes, french beans and duck jusBlack Angus sirloin with Cafe de Paris butterChocolate cake首先餐前面包，面包系热嘅，重要外脆内软，质素唔错，而且牛油系已经放软咗，可以好容易咁搽上面包度，加分！前菜， 都几好味，鱼嘅烟熏味好浓郁，仲有好咸香嘅火腿，加埋creamy 嘅牛油果蛋黄酱，啱啱好可以blend埋 鱼同火腿嘅味道，再加埋沙律菜令到成个浓郁味道轻盈少少。呢个菜唔止味道丰富，仲有好多texture， 爽口嘅沙律菜，烟靭嘅火腿，流心嘅蛋黄，同好有咬口嘅brioche。 如果呢个菜再加多少少
我嘅情人节大餐就食咗5样嘢，
Smoked trout served with avacado cream, Bayonne ham, poached egg and brioche
Onion Soup
Confit duck leg with Provencale tomato, sauteed onions and potatoes, french beans and duck jus
Black Angus sirloin with Cafe de Paris butter
Chocolate cake
首先餐前面包，面包系热嘅，重要外脆内软，质素唔错，而且牛油系已经放软咗，可以好容易咁搽上面包度，加分！
前菜， 都几好味，鱼嘅烟熏味好浓郁，仲有好咸香嘅火腿，加埋creamy 嘅牛油果蛋黄酱，啱啱好可以blend埋 鱼同火腿嘅味道，再加埋沙律菜令到成个浓郁味道轻盈少少。呢个菜唔止味道丰富，仲有好多texture， 爽口嘅沙律菜，烟靭嘅火腿，流心嘅蛋黄，同好有咬口嘅brioche。 如果呢个菜再加多少少柠檬汁，同柠檬皮，咁就perfect嘞，因为柠檬应该可以再将成件事再提升少少，成个味道会再立体少少。
经典嘅洋葱汤，好浓郁，但系又唔会太咸，最重要佢哋嘅芝士份量够多，而且芝士味好浓郁好香，真系一路赵一路有芝士香，真系好好味，而家谂起都仲回味紧。仲有间餐厅嘅服务真系一流，我哋叫咗一个洋葱汤，因为怕饱得滞食唔晒，佢哋竟然好主动咁话可以帮我哋分两份，我哋其实都有啲唔好意思，不过佢哋有真系好ok，同好有诚意咁帮我哋分咗两杯，佢哋唔系就咁分架，系真系比咗两个小portion，两只杯上菜时都系热，仲要两个入面都有好多芝士，都有一件面包，仲要系分咗再拎去焗溶啲芝士，唔系就咁一个一早准备好嘅standard汤就咁拔开两碗。呢个服务态度真系值得一赞。
第一个主菜，系鸭脾，都系经典菜。好干身，唔会话觉得好油腻，鸭皮好脆，脾肉就咁食就咸咗少少，不过如果加埋啲薯仔同洋葱一齐食就啱啱好。啲鸭肉都处理得几好，唔会话有好劲嘅鸭膻味。啲french bean 都煮得啱啱好，翠绿得嚟又爽口。如果多少少汁就更好嘞。
第二个主菜，就系10oz 嘅安格斯牛扒，其实我系有谂过食法国菜食牛扒系唔系唔系好法国菜，不过呢个都系佢哋嘅厨师推介，都无理由唔试，而且我对牛扒嘅抵抗力系好低，根本忍唔到唔叫。牛扒就不过不失，可能系彩数，咁啱我呢块扒就多咗啲筋，同埋好似dry咗少少，不过味道同熟道都系合格嘅。而且个herb butter都唔错。薯条又系值得一赞，炸得啱啱好，好脆，又有足够嘅seasoning，真系好好味，好有水准。
最后就梗系唔少得甜品，朱古力蛋糕。蛋糕非常松软，朱古力味够浓，而且唔太甜，蛋糕上枱系暖嘅，加埋云呢拿雪糕，又系一个经典嘅perfect match。完全可以为呢一餐划上一个完美嘅句号。
呢度除咗食物好食，佢哋嘅服务真系好好，佢哋会等你食完一道菜先再上另一道，不特止仲会每一道菜都会同你换碟，而且识得先上鸭脾，再上牛扒，真系唔系间间都会咁做，或者识得咁做。呢度嘅服务系真系超值！
张贴
