影片
更多
2020-02-13
61 浏览
情人节嚟喇，我同女朋友就唔系咁钟意正日庆祝嘅，因为正日都一定成街都系人，唔钟意同人迫嘅我地，通常都会选择早啲出去食饭嘅。今次我地就去咗依间餐厅庆祝我地嘅情人节喇依间餐厅一入到去就觉得𠮶气氛好浪漫，好适合情人嚟撑枱脚嚟食嘅𠮶环境大概系咁啦，因为我地去到𠮶阵都系早嘅，所以都冇咩人嘅。好多大梳化俾大家坐，坐得都几舒服。间餐厅都几多嘢食因为女朋友唔太饮酒，所以我地只系叫咗一杯cocktail啫。依杯cocktail叫“Shine”（$108）好好饮呀，佢唔会好重酒味，而系几重生果味，几易入口。依个系香煎半熟带子配黑鱼子酱（$208），卖相非常靓，望到都流口水。食落去会觉得佢嘅调味几好，黑鱼子酱同带子系非常夹嘅。依个用嚟做头盘非常好。依个系香煎太平洋鲈鱼配普罗旺斯菜（$268）。条鱼煎得啱啱好，唔会话太熟，块鱼皮少少脆，好好食。伴碟酸酸地，非常开胃。不过今餐我就最钟意依个卡邦尼意粉（$168）喇。因为佢嘅汁非常creamy,加上佢落咗都几适量嘅烟肉，烟肉唔系平时𠮶啲薄薄地一片嘅烟肉，都几厚下㗎，好有咬口。最正嘅系佢唔只会落普通嘅Parmesan cheese,佢地重会落一啲焗脆咗嘅parmesa
今次我地就去咗依间餐厅庆祝我地嘅情人节喇
依间餐厅一入到去就觉得𠮶气氛好浪漫，好适合情人嚟撑枱脚嚟食嘅
𠮶环境大概系咁啦，因为我地去到𠮶阵都系早嘅，所以都冇咩人嘅。好多大梳化俾大家坐，坐得都几舒服。
间餐厅都几多嘢食
因为女朋友唔太饮酒，所以我地只系叫咗一杯cocktail啫。依杯cocktail叫“Shine”（$108）好好饮呀，佢唔会好重酒味，而系几重生果味，几易入口。
依个系香煎半熟带子配黑鱼子酱（$208），卖相非常靓，望到都流口水。食落去会觉得佢嘅调味几好，黑鱼子酱同带子系非常夹嘅。依个用嚟做头盘非常好。
依个系香煎太平洋鲈鱼配普罗旺斯菜（$268）。
条鱼煎得啱啱好，唔会话太熟，块鱼皮少少脆，好好食。伴碟酸酸地，非常开胃。
不过今餐我就最钟意依个卡邦尼意粉（$168）喇。因为佢嘅汁非常creamy,加上佢落咗都几适量嘅烟肉，烟肉唔系平时𠮶啲薄薄地一片嘅烟肉，都几厚下㗎，好有咬口。最正嘅系佢唔只会落普通嘅Parmesan cheese,佢地重会落一啲焗脆咗嘅parmesan cheese落去，令到成个意粉都有啲脆脆地嘅口感。
至于甜品，我地就叫咗依个火焰雪山（$108）喇。今次系我地第一次食火焰雪山，佢烧完𠮶"雪山"后，我地就开动喇。入边有雪糕，爆谷，马卡龙，同Brownies。重以为入边其实只系一个蛋糕咁，原来入边有咁多特别嘢食，好特别呀。
最终就食咗$946,我地觉得几抵嘅，因为环境，服务都真系几好，同埋食物嘅质素都高，所以系值得嘅。
推荐大家嚟试下
张贴
