後宮 (已結業)

同朋友喺尖沙咀行完街想打边炉就揾吓有咩餐厅好，见到依间后宫嘅评价都唔错就试吓！我哋嗌咗个海南椰子文昌鸡锅，本身以为喺尖沙咀依啲舖租比较贵嘅地方食物份量都唔会多，点知上到黎碟文昌鸡非常足料啖啖肉，汤底都非常鲜甜，清爽嘅锅底令到打边炉都冇咁大罪恶感😆配料我哋就嗌咗牛颈脊，雪花分布平均，牛味都几浓郁！桂花蚌同虾丸都非常新鲜，因为汤底清甜仲突显咗佢哋嘅鲜味，点少少豉油就已经好好食！另外仲点咗两杯鲜榨果汁，职员话完全冇加糖，但两杯饮落都好够甜，边食住啲热辣辣嘅嘢再饮杯冰冻嘅果汁真系好爽！🥳食饭途中见到隔离枱有叫一啲海鲜刺身个样都好新鲜，但今次得我同朋友两个食都已经实在太饱，唯有下次再试！而且餐厅入面仲有独立房间可以一边唱K一边打边炉，下次要约多啲朋友试多啲唔同嘅𩠌菜！不得不提入面啲职员都好NICE，又会时刻关心住使唔使加汤，问吓啲嘢食O唔OK，成餐饭嘅感觉都好好呀☺️