人民公社俱樂部 (已結業)

唔明点解会有笑脸咖？我都系因为𠮶３０个笑脸俾佢昆咗而去买团购。𠮶次系我第二次买团购，因为第一次感觉良好，所以开始团购生涯。正因为刚开始，唔知原来有好多团购网可以帮衬，怕苏洲过后无艇搭，以为呢度好抵，一买买咗４sets，谂住分两次２人去食。点知就喇嘢。唉，唔想嘥钱，第二次都要去食咖，惨～罪证如下：１．明明团购话有两款主菜可以拣，但次次都话无鸡。第一次订话无，我以为订晒，咁横掂我唔好食鸡，咁算啦；点知过一排改期后，又话无；打咗四五次全部话无鸡啰～！但去到食明明隔离两枱都有鸡。２．成日话full晒，有无咁full啊？明明我去到都仲有位。３．啲嘢来得劲慢，好彩我哋两个系谂住hea啫。４．难食。无论其他几好，嘢难食就够大罪啦，何况无样好？卡邦尼意粉干争争又硬呱呱，梗胃啰，难食到我食唔晒。凯撒沙律红色𠮶只菜系苦咖，我梗系拣出来唔食啦。５．甜品你唔问佢要，佢好似唔想俾你咁，明明团购写明用两张可以有甜品送。