發現多左好多餐廳, 今日好想食常餐類既野,
發現D間王牌冰室真係好感動呀!!!
我去到係茶餐時間, 好多人排隊, 令我更有期望!
終於入到去啦, 入面裝修好有老香港味道, 幾有特色, 切合南豐紗廠既主題!
常F-茄湯餐肉粒福麵-$48
餐肉切到細細粒咁, 咁令到可煎既表面大大增加, 令餐肉更香, 配上濃濃既茄湯, 微酸大大增加食慾, 普通食物見不平凡!
跟餐既多士係蒜蓉多黎, 好香口, 好好味, 而炒旦係好滑, 好有蛋味, 完全滿足我想食常餐既慾望!
乾炒牛河-$52
男友就食左個乾牛河, 上枱已經好香, 我廿四孝女友梗係要幫男朋友試下味先啦, 食落好有鑊氣, 入面既牛肉都幾多, 而且有牛味唔會腌到死實實咁, 見廚師既功架!
炸脾+奄列-$38
因為我冇食早餐, 食完正餐好似唔夠喉咁, 咁就同男友SHARE多個SET, 炸脾炸得好香脆, 而入面仲保留返唔少肉汁, 食完係有超滿足既感覺!
SET加凍檸樂同紅豆冰都係五蚊, 實在太抵了!
食完我都係唔夠喉, 我地D偽文青點可以唔飲返杯珍奶呢?
D度既珍奶茶味好香, 唔會好似出面某D既珍奶完全得奶味冇茶味, 加珍珠係有好多, 好抵! 好好飲, 個杯又味, 扲住打卡文青味再加!
總結係一個好味既冰室, 排少少隊都係值得的, 過開黎D邊會再試其他!
