Turkish Kebab (已結業)

来来来来来。来来哥一向钟意帮衬细舖头，胜在味道有保证，又有人情味。香港食土耳其菜既地方唔多，偶然见到Turkish Kebab搞团购，$188二人餐咁抵食，于是同女友去会一会佢。Book左枱，六点半去到，未有人帮衬，即时入座。餐厅装修够风味，醒一醒神。来来哥少食土耳其菜，问东问西，侍应姐姐都耐心解答，抵赞。好，上菜。红扁豆汤，味道清新，有淡淡薄荷清香，醒一醒胃。沙律，来来哥大乡里出城，上菜时同时放低两枝酱，一白一橙，初时以为系沙律酱同千岛酱，但原来系辣根酱，来来哥钟意点白酱，橙酱偏辣。春卷，芝士馅，香口唔漏。主菜点左鸡扒，同埋杂锦烧烤，烧得够香味道又唔会浓太咸。值得一提系个饭，有少少似日本寿司饭咁甜甜地，湿湿地得黎又唔烂，虽然杂锦烧烤会干少少，但配埋呢个饭就刚刚好。甜品，有雪糕同另一款唔记得系咩，有少少似椰汁西米咁，好味。仲有饮品，值得一提既系土耳其红茶，细细杯，但茶味香浓，钟意饮茶既要试一试啦。总结Turkish Kebab绝对系一间值得一试既餐厅，可能开左冇耐，地点又唔算好方便，未系好多人帮衬，所以来来哥黎个推介，希望好味道可以传到八方。