人和月雞煲火鍋店 (已結業)

$298精选牛肉吃到饱套餐 先选头盘，食完再拣汤底食火锅。头盘方面，我地升级左 原创酥皮麻辣芝士鸡煲，块酥皮有成个煲咁大，好似巨型酥皮汤😍 随住热力慢慢胀大嘅酥皮，撑大到好似就爆咁🎈将佢笃穿即刻好似漏气嘅波🥢好过瘾😆 就咁食酥皮都好正，之后将酥皮捞入鸡煲食都唔错，够晒特别~不过鸡煲更好食😋鸡肉同芝士呢个配搭不用多讲，鸡煲酱汁调得唔错，好入味，带点辣辣的几惹味。夹起鸡件仲有拉丝效果，芝士控表示不得了😚🧀💕食完鸡煲之后拣左胡椒猪肚汤 打边炉🍲套餐有款5牛肉任食，有牛下肩、牛板腱、牛胸爽、牛舌心、雪花肥牛，其中牛下肩同牛板腱都算高质同颇为大块，食肉兽有福了🫣 牛胸爽比较少有，口感十足，都可再encore！除左牛之外仲有40几款火锅配料，都系大路野，豚肉、虾滑、牛丸都唔错，饺子就一般般。不得不赞呢个汤底，愈煲愈辣，到最后加埋啲菜落去更加出色！猪肚都好冧好好食😋出面仲有熟食同甜品自助区，有豆腐花😽饮品都系自助，洛神花茶、蜂蜜菊花露、桂花乌龙冷泡茶、玫瑰茉莉冷泡茶都系自家制，试左蜂蜜菊花露，清清地好岩打边炉饮。