堂記腸粉專門店 (已結業)

我近呢几年搬咗好多次，但系无论搬到去边都要揸车返黎食堂记嘅肠粉。虽然每次都要等半个钟以上，环境有啲污糟，个阿姐不太友善，但都系要黎食。为的就是一碟无与伦比的滑溜肠粉，最爱猪润肠和烧鸭肠，猪润不会太生亦不会太熟，刚刚好；烧鸭连小小皮，好香口，鸭肉又软又腍；最令人著迷当然系白滑肠粉，真系薄到透明，但又唔易烂，馅料又多，超平劲抵食。肠粉闲闲地要等三十至四十分钟，所以我每次都会叫一碗鸭肾菜干猪骨粥，一边食一边等。重有另一最大优点是适合驾驶人士，旁边就可泊车，免费架。