Orange Elephant Thai Restaurant (利奧坊) (已結業)

之前Orange elephant 仲系博文街嘅时候食过一次，今次再嚟利奥坊嘅新店，味道依然正宗又抵食！香料烧焗鲗鱼（$175）即叫即烧但绝对值得等！原条鲗鱼外皮用咗岩盐同其他香料腌制，鱼肚再包有金不换等香料，焗完之后嘅鱼肉又鲜甜滑嫩又有淡淡香料味。个人超钟意泰式蘸酱，酸辣度十足，好惹味！椰青焗海鲜饭（$114）堆到就满泻嘅椰青焗饭，表面淋上椰奶，配料好丰富，除咗有虾、鱿鱼、青口等海鲜，仲有椰肉、腰果、提子干、椰丝，增加口感。下面嘅椰青竟然有保温效果，食到最尾啲饭都仲暖！西兰花炒鲜鱿（$78）蒜香炒西兰花加爽口鲜鱿，西兰花够爽脆，咸香同镬气十足！芒果冰特饮（$36）夏天必点特饮，顺滑芒果沙冰加埋粒粒芒果粒，香甜又消暑。冻泰式奶茶（$32）泰式奶茶都几大杯，闻落几香，淡淡甜香。