麻辣媽媽 (已結業)

无黎一排，搬咗都唔知，好在小妹聪明，明知要等位，所以一早打电话订枱，先知原来搬咗去恒丰酒店后面既德兴街。早排唔舒服无得食辣，个心成日啰啰挛，呢排见好返D即刻约班FRIEND黎麻辣一下，搬咗新舖地方比以前大，光猛咗，感觉好舒服。对我地食客黎讲梗系VERY GOOD，以前要等位，真系等到花儿也谢了。口水鸡，毛血旺，辣子软瞉蟹，麻辣田鸡煲，樟茶鸭，川北凉粉，水煮桂花鱼，全部系我必叫之选，自问都食得辣既我，谂住咁耐无食，尝试越级挑战，叫咗大辣，救命呀﹗食到我地个个流晒汗，饮埋青柠树都免强降温。唔怪得有其他食客话食辣死会无晒感觉，只系食到辣味。今次知衰下次自己醒水，唔食得就唔好免强，免强系无幸福。食物味道仍然保持水准，地方舒服咗，又唔洗等位，我以后都会成日黎。