Tanuki Innovation

营业中

休息中

某日行过大角咀，发觉TANUKI舖头已关门，朋友话唔系呀，佢系搬咗舖去星光行嘅诚品入面，尖沙咀新店地点更方便呢。是晚出开尖沙咀，便同朋友到新店试试，哈哈，尖沙咀喺海旁影相打卡嘅游客真系好多，气氛几热闹呀。⭐鲜橙柳慢煮鸡胸沙律配蜜糖芥末汁先来份沙律同朋友share，颜色亮丽好吸睛，鸡胸软腍嫩滑，沙律菜爽口，加上鲜橙同西柚甜甜酸酸更开胃。⭐焗盲曹鱼配日式奶油粟米汁扁意粉主菜拣咗款扁意粉，上面嘅盲曹鱼柳焗得好香口，鱼皮香脆鱼肉嫩滑，意粉劲弹牙，粟米汁奶香奶香的，好食㖞。⭐炸鸡皮饺子邪恶之选嘅炸鸡皮饺子，鸡皮炸得香脆，咬落鸡油甘香，大满足🤤⭐泡沫黑咖啡见点嘅食物都几heavy，自己点杯黑咖啡中和下，无奶无咁腻吖嘛，咖啡好香，无糖无奶都唔会苦，真系好好饮😍⭐宇治莓莓绿茶朋友本来想试下椰子绿茶，但系卖晒了，咁就拣咗杯士多啤梨绿茶。绿茶系带点苦涩味𠮶种，好浓好正㖞，加上士多啤梨果酱甜甜地，两种味好平衡，都好好饮呀。⭐牛角窝夫配鲜杂果抹茶雪糕坐咗一阵意犹未尽，又加咗一份窝夫，拣个新口味绿茶窝夫先😋牛角窝夫食落劲香牛油味，千层酥嘅口感好正，抹茶雪糕嘅绿茶味都好浓，钟意绿茶味真系啱晒。分店望到尖沙咀海旁，