常得館湖南米線

营业中

休息中

行到一半街突然落起大雨，去附近食店避下雨兼食个下午茶先。原来建业街间常得馆搬咗过嚟西菁街，餐牌冇变㖞，好挂住佢哋个汤底，今日就食佢啦。⭐湖南麻辣牛肉米线朋友叫咗麻辣牛肉米线，店主话佢哋嘅湖南米线系正宗煮法，不过牛肉就改咗做港版，切大旧啲同埋份量多啲，仲话啲牛肉用咗四十几种香料嚟煮，色香味俱全。朋友第一次食就大赞好味，啲牛肉劲正㖞，汤底辣中带鲜，好味到汤都饮晒🤤⭐自制泡椒肥肠米线自己就叫咗肥肠米线，呢款个汤底用咗泡椒，啲泡椒都系店家自己浸嘅。叫小辣我觉得啱啱好，虽然汤面见到好多辣椒油，但其实唔算辣，而且加咗泡椒辣中带酸更香口，仲有啲花椒子有少少麻味添。店主话啲肥肠每日新鲜由上水屠房运黎，食落香口肥美有咬口，系正㖞😍⭐红油抄手仲叫咗份店家推介嘅红油抄手，呢款汤底又唔同上面两种，咸鲜中带酸辣，都好好味。抄手皮滑肉鲜，滑捋捋嘅口感好正啊😋⭐冻柠茶 & 冻奶茶食辣嘢都系要整返杯冻饮嘅，跟餐可以用优惠价加奶茶咖啡、汽水或者王老吉，冻饮大大杯茶底浓，不过我觉得叫少甜都系甜咗啲，下次都系要走甜啦，哈哈。明明系谂住入嚟食过下午茶避下雨，点解最后食咗咁多嘢嘅😳不过又真系好好味，全部都冇介绍错。