K-Pop snack (已結業)

话说系公司附近的韩国餐厅搬左去更大的店舖，除了可以容立多个食客堂食外，餐牌上的食物好似更多容化，不过价钱比之前贵少少。坐低后大家只要将心水食物的号码写上点餐纸上，再拎去Cashier比钱就可以啦。餐厅有多个饭餐可以选择⋯铁板炒牛肉盖饭由外卖碗转到碟头饭，D汁好似比之前少，不过牛肉味都香，而且有少少咬口，尚算Ok。铁板辣炒猪肉盖饭无牛肉咁惹味，加上个汁更少，只属一般。今次见到餐牌上有豆腐汤饭，所以我们叫左一客Share。热腾腾的辣嫩豆腐汤虽然都几辣，不过味道劲惹味，加上滑溜溜的豆腐，非常好送饭！就算唔多辣得的我都有再添。泡菜饼比之前细块左D，而且似炸返热佢，所以块饼有D油淋淋。呢份韩式烤五花肉紫菜卷出奇地劲辣，因为佢入面包左条青辣椒，唔食辣的大家一定一定要拎出黎。五花肉比想像中无咁重油香，所以整体都系平平。惊喜地见到餐厅有小食拼盘，不过卖晒所以我们就转左食炸鸡翼配年糕。甜辣炸鸡翼炸年糕唔算好辣，味道都好开胃。鸡翼有差唔多10双，鸡皮炸得非常脆，不过鸡肉唔干。年糕烟韧弹牙，都几好食。本人觉得整餐饭就系呢碟最好食。==============================钟意我分享的，我邀