貢茶 (福華街) (已結業)

又系深水埗电脑节嘅日子! 不过因为唔想同人迫, 都系等完左先去, 一样有平野执!扫完平货出嚟, 想去 “贡茶” 买杯野饮, 点知见到间 “旧舖” 装修紧!点解叫佢做 “旧舖” 呢! 原来系搬左去隔离两个单位!唔使多讲, 更系要买杯我嘅至爱 “珍珠奶茶”.最原始及正宗嘅珍珠奶茶的确保持水准!第一口是最 “正” 的, 茶味浓郁! 奶同茶嘅份量啱啱好! 珍珠依然咁弹牙!新舖大左好多之余, 仲多左间 “豪大大鸡排”, 真系识做生意!难怪门口比以前更加多人!不过可能间舖大左, 工作都比较流畅, 虽然排队嘅人多左, 但系等候嘅时间就比以前 “旧舖” 仲快左好多!既然唔使等好耐, 就试吓佢地嘅炸鸡排先!等左五分钟就有得食, 拎上手已经香味扑鼻!炸粉薄而脆! 鸡肉嫩滑! 真系值得一试!可惜已经太饱, 仲有其他嘅炸物都试唔到!总括 “贡茶” 搬左新舖真系好好多!地方大左, 等候时间又快左!